PA'JARIANG 45:15 - KITTA' MATANGKASA'

¹⁵ Nampa lalang angngarru'na ija Yusuf, naraka' ngasemmi sikamma sari'battanna nampa nabau ke'nanga. Le'baki anjo accaritami siagang ke'nanga.

PA'JARIANG 45:15 Referans Kwoze

LUKAS 15:20

Le'baki akkana kamma lalang ri nyawana, ammotere'mi anjo anaka mae ri manggena. Bella iji battu ri balla'na nicini'mi ri manggena. Larimi battu manggena ambuntuli nampa naraka' siagang nabau, napakamma sanna' rannuna nyawana.

LAMPA-LAMPANA 20:37

Angngarru' ngasemmi ke'nanga siagang naraka'mi Paulus nampa nalappassang na napasalama' a'lampa Paulus.

PAMMUJI 77:4

Punna kuu'rangi Allata'ala, akkunrarenga', punna kunawa-nawa, pila' la'bai pa'maikku.

2 SAMUEL 14:33

Nampa a'lampamo Yoab mange andallekang ri Karaeng Daud siagang napabattumi pappala'na Absalom. Nakio'mi karaenga Absalom, siagang battumi Absalom su'ju' ri dallekanna karaenga. Siagang niruppaimi nibau ri karaenga.

1 SAMUEL 20:41

A'lampanamo anjo anaka, assulu'mi Daud battu ri bokona anjo pa'gompoang batua, nampa su'ju' pintallung. Baji' ia kammayatompa Yonatan para angngarru'mi ke'nanga ri wattunna massing assibau. La'bi lompoangangi si'nana Daud na Yonatan.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

RUT 1:14

Angngarru' lompomi Rut siagang Orpa. Nampa appala' kanamo Orpa nanabau matoanna, nampa ammotere'. Mingka Rut taerokai sisa'la' siagang matoanna.

RUT 1:9

Poro Naerokangi Batara, numassing akkulle pole a'bura'ne.” Le'baki akkana kamma anjo, appala' kanami Naomi mae ri ke'nanga nanabau ke'nanga. Mingka angngarru' lompomi Orpa siagang Rut,

KALAPPASSANG 4:27

Lalanna anjo wattua Nakanamo Batara ri Harun, “A'lampako mange ri parang lompoa untu' ambuntuli Musa.” A'lampami Harun, nampa sibuntulu'mo siagang andi'na ri moncong matangkasaka, siagang nabaumi anjo andi'na.

PA'JARIANG 45:2

A'lampana ngasemmo pagawena ambokoi anjo tampaka, angngarru' lompomi Yusuf, sa'genna nalangngere' tu Mesir niaka pantaranganna anjo tampaka. Na ta'rapi'mo anjo kabaraka mange ri balla'na karaenga.

PA'JARIANG 33:4

Mingka larimi Esau anruppai Yakub, nampa naraka' siagang nabau. Nampa sikarrukimo anjo tau ruaya.

PA'JARIANG 29:13

Nalangngere'na Laban anjo kabara'na Yakub kamanakanna, larimi ero' mange ambuntuli. Naraka'mi Laban anjo Yakub siagang nabaumi nampa naerang antama' ri balla'. Le'ba'na nacarita ngaseng Yakub sikamma passalaka ri batangkalenna mae ri Laban,

PA'JARIANG 29:11

Nampa nabau anjo Rahel, nangngarru' napakamma rannu;

PA'JARIANG 42:24

Nabokoimi Yusuf anjo ke'nanga nampa angngarru'. Ri wattunna akkullemo pole a'bicara, ammotere'mi pole mae ri ke'nanga. Nampa naalle Simeon, na nasuro sikko' ri dallekanna sikamma sari'battanna.

PA'JARIANG 45:14

Le'baki anjo naraka'mi Benyamin, anjo andi'na, nampa angngarru'. Angngarru' tommi Benyamin nampa naraka' todong Yusuf.

PA'JARIANG 45:16

Ri wattunna kalangngerang ri balla'na karaenga angkanaya battui sikamma sari'battanna Yusuf, sannang tommi pa'mai'na karaenga siagang sikontu pagawena.

PA'JARIANG 46:29

nai'mi Yusuf ri karetana untu' mange assibuntulu' siagang manggena anjoreng. Ri wattunna assibuntulu'mo ke'nanga, naraka'mi Yusuf anjo manggena nampa angngarru' sisalloang.