PA'JARIANG 44:28 - KITTA' MATANGKASA'

²⁸ Ia bungasaka a'lampami ambokoia'. Ia attantumi angkana le'ba'mi nikanre ri olo'-olo' sekkeka ri romanga, nasaba' sa'genna kamma-kamma anne tenamo nale'ba' kucini'.

PA'JARIANG 44:28 Referans Kwoze

PA'JARIANG 37:33

Nabateimi Yakub anjo jubaya. Nampa nakanamo, “Kammatojengi, anne jubana anakku! Mattantu le'ba'mi nikanre ri olo'-olo' sekkeka ri romanga. Kodong, anakku Yusuf matemi nibi'nya'-bi'nyara' ri anjo olo'-oloka!”

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

PA'JARIANG 42:36

Nakanamo manggena ke'nanga, “Ikau ngasemmi a'jari passabakkang natappela' ngaseng anakku. Yusuf tenami. Simeon tena tommi. Nampa kamma-kamma anne lanualle tongi pole Benyamin. Teai sipato' pa'risikku.”

PA'JARIANG 37:31

Anynyamballemi ke'nanga sikayu bembe nampa natallangngang jubana Yusuf antama' ri cera'na anjo bembea.