PA'JARIANG 44:20 - KITTA' MATANGKASA'

²⁰ Appialimi ikambe angkana, ‘Toami manggena ikambe siagang ri wattu toanami nalassu' andi'na ikambe. Daenna battu ri se'rea amma' anjo andi'na ikambe matemi. Jari kamma-kamma anne ia mami kalenna attallasa' battu ri ia rua massari'battang se're amma'. Nampa sanna' nikarimangnginna ri manggena ikambe.’

PA'JARIANG 44:20 Referans Kwoze

PA'JARIANG 37:3

Anjo Yakub la'bi nangaiangngangi Yusuf na sikamma ana'na maraenganga, lanri toami manggena nalassu' anjo Yusuf. Ri se'reang allo napapparekangi Yusuf juba sannaka ga'gana.

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”

LUKAS 7:12

Ri wattunna anrapi' Isa ri pakke'bu' lompona kotaya sibuntulu'mi paerang tu mate assulukang kota. Anjo tu matea ana' bura'ne, ana' sitau-tau, na jandamo amma'na. Jai tunjoreng ri kotaya anrurungangi anjo jandaya.

PA'JARIANG 49:8

Yehuda, ikau angkokkoki kacikoro'na musunnu; lanipujiko ri sikamma sari'battannu siagang su'juki ri dallekannu.

PA'JARIANG 46:21

Benyamin; ia ana'-ana'na Benyamin iamintu: Bela, Bekher, Asybel, Gera, Naaman, Ehi, Ros, Mupim, Hupim, siagang Ared.

PA'JARIANG 42:36

Nakanamo manggena ke'nanga, “Ikau ngasemmi a'jari passabakkang natappela' ngaseng anakku. Yusuf tenami. Simeon tena tommi. Nampa kamma-kamma anne lanualle tongi pole Benyamin. Teai sipato' pa'risikku.”

PA'JARIANG 42:13

Appialimi ke'nanga angkana, “Ikambe anne sampuloki' anrua assari'battang, karaeng. Ikambe anne ana' battu ri se're mangge ri pa'rasangang Kanaan. Nia' se're battu ri kambe matemi. Nampa nia' pole se're bungkoa kamma-kamma anne niaki siagang manggena ikambe.”

PA'JARIANG 37:19

Massing nakanamo ke'nanga mae ri maraenganga, “Ciniki, anjo tukang so'naya niaki battu.

PA'JARIANG 35:18

Mingka a'birimmi narapi' a'jala'na Rahel. Na ri wattu ero'namo tappu nyawana, naaremmi anjo anaka Ben-Oni, mingka niarengi ri manggena Benyamin.