PA'JARIANG 43:30 - KITTA' MATANGKASA'

³⁰ Tanatahangngami pa'mai'na Yusuf napakamma nakku'na siagang mangngamaseanna ri andi'na. Sike'de' mami tanakullea naparrangngi kalenna. Jari sikali a'lampami linta' battu ri anjo tampaka, nampa antama ri kamara'na angngarru'.

PA'JARIANG 43:30 Referans Kwoze

PA'JARIANG 42:24

Nabokoimi Yusuf anjo ke'nanga nampa angngarru'. Ri wattunna akkullemo pole a'bicara, ammotere'mi pole mae ri ke'nanga. Nampa naalle Simeon, na nasuro sikko' ri dallekanna sikamma sari'battanna.

YEREMIA 31:20

Israel, ikau ana' nisayangKu, ana' Kungaia, bua atingKu. Punna Kuancangko tuli nakkuKa' Kumangngu'rangi ri kau. LaKugaukanga mae ri kau iamintu Kukamaseang sikaliko.

FILIPI 2:1

Majarrekko, lanri asse'reko siagang Almasi. Siagang nisaleoriko lanri Nakamaseangko Almasi! Nirurungangko ri RohNa Allata'ala, jari paralluko massing sikamaseang siagang sikarimangngi.

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

1 KARAENG-KARAENG 3:26

Nalangngere'na anjo parentaya, nakanamo amma' sitojennaya anjo anaka, “Pammopporanga' karaeng, teaki' bunoi anjo anaka. Kipassareang mami mae ri ia.” Nakkana kamma anjo bainea lanri sanna' nakarimangnginna anjo anaka. Mingka anjo baine se'reanga nakana, “Iye', polong mami, lappassammi manna sitau ri kambe tena ngaseng nanggappa!”

PA'JARIANG 45:2

A'lampana ngasemmo pagawena ambokoi anjo tampaka, angngarru' lompomi Yusuf, sa'genna nalangngere' tu Mesir niaka pantaranganna anjo tampaka. Na ta'rapi'mo anjo kabaraka mange ri balla'na karaenga.

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?

2 TIMOTIUS 1:4

Kuu'rangi kasi'nanna atinnu. Iaminjo saba'na kuero' dudumo angngagangko sicini', sollangku akkulle a'jari rannu tojeng-tojeng.

KOLOSE 3:12

Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.

LAMPA-LAMPANA 20:37

Angngarru' ngasemmi ke'nanga siagang naraka'mi Paulus nampa nalappassang na napasalama' a'lampa Paulus.

LAMPA-LAMPANA 20:31

Lanri kammana, paralluko a'jaga-jaga! U'rangi angkanaya tallun taungi salloku tammari-maria angngajarakko allo bangngi, siagang jaimi je'ne' matangku ammatti' lalang kugaukanna anjo jama-jamanga.

LAMPA-LAMPANA 20:19

Kupa'jari tunami kalengku, siagang jaimi assolong je'ne' matangku ri wattunna kugaukang jama-jamanNa Batara. Kukasia'mi pa'risika lanri kaja'dallanna tu Yahudia mae ri nakke.

PA'JARIANG 46:29

nai'mi Yusuf ri karetana untu' mange assibuntulu' siagang manggena anjoreng. Ri wattunna assibuntulu'mo ke'nanga, naraka'mi Yusuf anjo manggena nampa angngarru' sisalloang.