PA'JARIANG 43:25 - KITTA' MATANGKASA'

²⁵ Le'baki anjo napasadiami ke'nanga hadia naeranga ke'nanga untu' napassareang mae ri Yusuf punna nia' battu ri wattu tangngana alloa. Nasaba' le'ba'mi nipauang ke'nanga angkana lasipangnganreangi ke'nanga siagang Yusuf.

PA'JARIANG 43:25 Referans Kwoze

PA'JARIANG 43:11

Jari nakanamo manggena ke'nanga, “Punna memang musti kammai, erangi wassele' kaminang bajika anrinni ri pa'rasanganga nampa nupantama' ri karunnu, nanusare hadia anjo guburnurka, iamintu: Kismis, je'ne' bani, rampa-rampa, rappo sapiri siagang rappo badang.

PA'JARIANG 43:16

Ri wattunna nacini' Yusuf anjo Benyamin siagang sikamma daenna, nakanamo ri kapala palayanna ri balla'na, “Erangi anjo taua mange ri ballakku. Langnganrei ke'nanga siagang nakke anne alloa. Jari ammolongko olo'-olo' piara nampa nupatala.”

PA'JARIANG 43:15

Nampa a'lampamo anjo sikamma sari'battanna Yusuf. Naerammi ke'nanga anjo sikamma hadiaya siagang pole doe' a'lappi rua jaina. A'lampami ke'nanga mange ri Mesir siagang Benyamin. Battuna ke'nanga mange anjoreng, mangemi ke'nanga andallekang ri Yusuf.