PA'JARIANG 43:23 - KITTA' MATANGKASA'

²³ Nakanamo anjo palayanga, “Teako mallakki. Teako bata-batai. Allata'ala, iamintu Allata'ala napakalompoa manggenu, iami ampantamaki anjo doeka ri karunnu. Le'ba'mi kutarima pa'bayara'nu untu' anjo gandunga.” Le'baki anjo naerammi Simeon mae ri ke'nanga.

PA'JARIANG 43:23 Referans Kwoze

PA'JARIANG 42:24

Nabokoimi Yusuf anjo ke'nanga nampa angngarru'. Ri wattunna akkullemo pole a'bicara, ammotere'mi pole mae ri ke'nanga. Nampa naalle Simeon, na nasuro sikko' ri dallekanna sikamma sari'battanna.

YOHANES 20:26

Sidaminggu ribokoanganna, nia'mi pole a'rappungang anjo ana'-ana' gurunNa Isa ri anjo tampaka. Anjo wattua nia' tommi Tomas. Ta'joli ngasengi pakke'buka. Mingka nia'mi battu ammumba Isa siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

YOHANES 20:21

Sikalipa pole Nakana Isa ri ke'nanga, “Salamakko siagang salewangang ngasengko. Sangkamma iNakke NasuroA' Manggea, sangkamma tomminjo naKusuro ngaseng tongko.”

YOHANES 20:19

Ri ia memang anjo allo Minggua, ri wattunna bangngimo, a'rappungammi ana'-ana' gurunNa Isa ri se'reang balla'. Nijoli ngasengi pakke'buka, lanri mallaki ke'nanga ri pamarentana tu Yahudia. Ti'ring nia'mi Isa ammumba, siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”

LUKAS 24:36

Ri wattu a'bicarana ija ke'nanga, ti'ring nia'mi KalenNa Isa ammenteng ri tangnga-tangngana ke'nanga. Nakana Isa ri ke'nanga, “Salama' ngasengko!”

LUKAS 10:5

Punna antamakko ri se'reang balla', a'barisallangko rolong angkana, ‘Poro nibarakkaki bonena anne ballaka.’

PA'JARIANG 42:28

Akkio'mi ri sikamma sari'battanna nakana, “Nipoterangi doekku! Ciniki, niaki lalang ri karungku!” Malla'mi nasa'ring ke'nanga. Lalang malla'na ke'nanga, massing nakanamo para ia, “Apa Nagaukang Allata'ala mae ri katte?”

EZRA 4:17

Nabalasa'mi karaenga anjo suraka angkana, “Mae ri Guburnur Rehum siagang Simsai jurutulisi'na propinsia, kammayatompa sikontu agang-aganna ke'nanga, niaka ammantang ri Samaria siagang kota-kota maraengannaya ri propinsi Efrat bageang ilau'. Salama'.

1 PATTOTTORANG 12:18

Kalase'renna ke'nanga, iamintu Amasai, a'jaria sallang pamimping ri anjo nikanaya “Tallumpuloa Perwira,” nikoasai ri RohNa Allata'ala, angkana, “O Daud, ana'na Isai! Ikambe anne erokki' ambantuko! Poro ikau siagang sikamma ke'nanga ambantuako nisarei pammetang. Niaki Allata'ala angngagangangko!” Jari nitarimami ke'nanga ri Daud siagang niangka'mi ke'nanga a'jari perwira lalang ri tantarana.

1 SAMUEL 25:6

angngagangi sibuntulu' Nabal untu' ampabattui sallanna Daud mae ri ia. Nasuromi ke'nanga akkana kamma anne ri Nabal, “Salama' siagang salewangang mae ri kau siagang kaluarganu kammayatompa sikontu barang-barannu.

HAKING-HAKING 19:20

Nakanamo anjo tau toaya, “Teako batai, sinampe' nakutulungko. Tea' mako a'bangngi ri lapanganga anne.”

HAKING-HAKING 6:23

Mingka angkanami Batara mae ri ia, “Pakasannangi nyawanu! Teako mallaki. Tena nulamate.”

PA'JARIANG 43:14

Poro Allata'ala Kaminang Koasaya ampagioki atinna anjo guburnurka, natu'guru' mangngamaseang mae ri kau ngaseng, sa'genna napoterang Benyamin siagang Simeon mae ri kau ngaseng. Ia inakke anne, punna paleng musti tappelaki ana'-anakku, tanjeng mama' ri Allata'ala.”

PA'JARIANG 42:36

Nakanamo manggena ke'nanga, “Ikau ngasemmi a'jari passabakkang natappela' ngaseng anakku. Yusuf tenami. Simeon tena tommi. Nampa kamma-kamma anne lanualle tongi pole Benyamin. Teai sipato' pa'risikku.”

1 PATTOTTORANG 12:19

Ri wattunna Daud siagang tu Filistin ambunduki Karaeng Saul, nia' sipa'gang battu ri tantara suku Manasye a'limbang mange a'jari agang ri Daud. Sikontutojenna tena nabantui Daud anjo tu Filistin. Nisuroi ri sikamma pamimpinna tu Filistin ammotere' mange ri Ziklag lanri nakamallakkangi ke'nanga angkana laagang mangei ri Karaeng Saul anjo Daud siagang a'jari bali mae ri ke'nanga.