PA'JARIANG 42:37 - KITTA' MATANGKASA'

³⁷ Nakanamo Ruben ri manggena, “Passareammi Benyamin ri nakke bapa'. Inakke langngerangi ammotere'. Punna tena, akkullei kibuno ruaya anakku bura'nea.”

PA'JARIANG 42:37 Referans Kwoze

MIKHA 6:7

Apaka lasannangi Batara punna angngerangki' mae ri Ia assa'bu-sa'bu gimbala' yareka alla'bi-la'bi minynya' zaitun? Mustika nipassareangi mae ri Ia ana' bungasatta salaku pannangkasi mae ri dosa-dosata?

PA'JARIANG 46:9

Ruben, ana' toaya; naia ana'-ana'na Ruben iamintu: Henokh, Palu, Hezron, siagang Karmi.

PA'JARIANG 43:9

Inakke antanggongi siagang akkullei kituntu' ri nakke. Punna tena kuerangi ammotere' siagang salama', inakke antanggongi hukkunganna lalang sikontu tallasakku.

PA'JARIANG 42:36

Nakanamo manggena ke'nanga, “Ikau ngasemmi a'jari passabakkang natappela' ngaseng anakku. Yusuf tenami. Simeon tena tommi. Nampa kamma-kamma anne lanualle tongi pole Benyamin. Teai sipato' pa'risikku.”

PA'JARIANG 42:38

Mingka nakanamo Yakub, “Tena! Takkulleai nuerang Benyamin a'lampa. Matemi daenna, kamma-kamma anne kalenna mami ammantang. Gassingka anggappai bala lalang ri lampanu. Inakke anne toama'. Anjo susa lanupabattua ri nakke la'jari sabaki ri kamateangku.”