PA'JARIANG 42:30 - KITTA' MATANGKASA'

³⁰ “Kasara' sikali bicaranna anjo guburnur Mesir mae ri kambe. Nampa natudu pole ikambe ammata-matai pa'rasanganna.

PA'JARIANG 42:30 Referans Kwoze

PA'JARIANG 42:7

Ri wattu nacini'na Yusuf anjo sikamma daenna, narupami ke'nanga. Mingka sara-sarai tanaassenga ke'nanga. Kasara'mi bicaranna ri ke'nanga. Akkuta'nangi angkana, “Ikau ngaseng anne tu battu kemaeko?” Appialimi ke'nanga angkana, “Ikambe tubattu ri Kanaan. Battui ikambe untu' ammalli apa lanakanrea ikambe.”

PA'JARIANG 42:29

Ri wattunna battumo ke'nanga ri Kanaan, nacaritami ri manggena ke'nanga sikontu apa le'baka nakasia' ke'nanga. Nakana ke'nanga,

PA'JARIANG 42:9

Nampa nau'rangimi so'nana Yusuf ri passala'na ke'nanga. Nakanamo Yusuf, “Ikau ngaseng anne mata-matako; battu ngasengko ero' ansalidiki kalammaanna pa'rasanganna ikambe.”

PA'JARIANG 42:16

Kalase'rennu musti ammotere' angngallei. Ia maraenga lanitahangi sa'genna a'butti kanannu ngaseng. Punna tena, lanri arenna karaenga, ikau ngaseng anne ma'nassa mata-matako!”