PA'JARIANG 42:10 - KITTA' MATANGKASA'

¹⁰ Appialimi ke'nanga angkana, “Tena, karaeng. Ikambe anne atanta, poro battunaji bawang untu' ammalli apa lanakanrea.

PA'JARIANG 42:10 Referans Kwoze

PA'JARIANG 37:8

Nipauammi ri sikamma daenna angkana, “Nukapangi angkana la'jari karaengko siagang lakoasako mae ri kambe?” Jari pila' birisi'mi sikamma daenna lanri so'na-so'nana siagang lanri apa anjo nacaritaya.

1 KARAENG-KARAENG 18:7

Ri tangngana aganga assibuntulu'mi Obaja siagang Elia. Naassennamo Elia, su'ju'mi untu' ampakala'biriki nampa akkuta'nang angkana, “Ikatte tojengka anne bapa' Elia?”

1 SAMUEL 26:17

Naassengi Saul sa'ranna Daud. Jari akkuta'nammi angkana, “Daud, ikauka antu anakku?” Appialimi Daud angkana, “Iye', karaeng.”

PA'JARIANG 44:9

Ebara' angkana niaki kigappa anjo baranga ri kalase'renna ikambe, lappassammi nihukkung mate, nampa ikambe a'jari atamaki' mae ri katte, karaeng.”

PA'JARIANG 27:37

Appialimi Ishak angkana, “Le'ba'mi kupa'jari anjo andi'nu a'jari karaennu, siagang sikamma bija pammanakannu la'jari ngasengi suro-surona. Le'ba'mi kusare gandung siagang anggoro'. Kamma-kamma anne tena sikalimo apa-apa akkulle kugaukang untu' ikau, Na'!”

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

PA'JARIANG 42:11

Ikambe anne tau assari'battang ngasengki' karaeng. Ikambe anne tau baji' ngasengki', teaiki' mata-mata.”