PA'JARIANG 42:1 - KITTA' MATANGKASA'

¹ Nalangngere'na Yakub angkana nia' gandung nibalukang ri Mesir, nakanamo ri ana'-ana'na, “Angngapa nummantang ngaseng sannang bawang?

PA'JARIANG 42:1 Referans Kwoze

LAMPA-LAMPANA 7:12

Jari ri wattunna nalangngere' Yakub angkana nia' gandung ri Mesir nasuromi ana'-ana'na, iamintu boe-boeta a'lampa mange anjoreng, maka sikalina.

YOSUA 7:10

Appialimi Batara ri Yosua angkana, “Ambangungko nai'! Tena matu-matunnu su'ju' kamma antu ri buttaya!

GALATIA 2:7

Ba'lalo anjo nicini' tu nipakala'birika namangakuimi angkana Allata'ala assuroa' ambirittakangi anjo Kabara' Bajika mae ri bansa-bansa maraenga. Sangkamma todong Iami assuroi Petrus ambirittakangi anjo Kabara' Bajika mae ri bansa Yahudia.

HOSEA 5:13

Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.

YEREMIA 8:14

Nakana umma'Na Allata'ala, “Angngapa natena apa-apa nigaukang? Umba nakissama-sama a'lili mange ri kota-kota niaka pattahanganna, lappassang maki' anjoreng mate. Le'ba'mi Natappuki Karaeng Allata'ala, angkanaya musti panrakki'. Le'ba' maki' Nasare racung untu' niinung lanri dorakaki' mae ri Ia.

EZRA 10:4

Ikattemi musti angngalle tindakang. Nampa ikambe lambantuki' sipakkulle-kullena ikambe. Terassi tojeng-tojengi tindakanta.”

1 KARAENG-KARAENG 19:3

A'jari malla'mi Elia, sa'genna lari sollanna tena nibunoi. A'lampai siagang palayanna mange ri Bersyeba ri Yehuda. Anjoreng naboli'mi anjo palayanna,

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 5:19

Naassemmi kalenna anjo sikamma mandoroka angkanaya lalang kasukkarrangi ke'nanga ri wattunna nisuro tu Israel musti appare' batu bata tuli sangkamma jaina siagang allo-allo le'baka.

PA'JARIANG 42:2

Kulangngere' kabaraki angkana nia' gandung nibalukang ri Mesir. A'lampamako mange anjoreng ammalli gandung, sollanna tena nimate cipuru'.”

PA'JARIANG 41:57

Nia'mi taua battu ri sikontu linoa mange ri Mesir untu' ammalli gandung battu ri Yusuf, lanri anjo kacipuranga pila' sarrimmi kajarianna ri kere-keremae.

PA'JARIANG 41:54

Jari battumi wattu tuju taunga sallona kacipuranga, sicoco' le'ba' siagang apa le'baka napau Yusuf. Kajariammi wattu kacipuranga ri sikontu linoa, mingka ri sikontu pa'rasangang Mesir nia'mo kanre-kanreang nipasadia.