PA'JARIANG 41:56 - KITTA' MATANGKASA'

⁵⁶ Ri wattunna pila' a'jari sarrimmo anjo kacipuranga, siagang alla'bammi mae ri sikontu pa'rasanganga, nasungkemi Yusuf sikamma gudanga nampa nabalukang anjo gandunga mae ri tu Mesir.

PA'JARIANG 41:56 Referans Kwoze

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

LUKAS 21:35

Nasaba' lasanrapangi sikko' nitannanga mae ri sikontu rupataua ri lino, kabattuanna anjo alloa.

ZAKHARIA 5:3

Nampa nakana ri nakke, “Nia' tattulisi' lalang ri anjo kitta' ta'gulunga iamintu kana-kana pattunra mae ri sikontu anne pa'rasanganga. Niaki tattulisi' angkanaya sikamma palukkaka lanipasuluki battu anrinni ri pa'rasanganga. Siagang ri maraengannaya tattulisi' tongi angkanaya sikamma tau assumpa balle-ballea lanipasulu' tongi.

YESAYA 23:17

Le'baki anjo tujupuloa taung, laNau'rangimi Batara anjo Tirus siagang nikellaimi anggaukangi ammotere' jama-jamanna rioloa. La'danggammi ammotere' siagang sikontu kakaraenganga ri lino.

PA'JARIANG 41:30

Le'baki anjo labattumi wattu kacipurang tuju taung sallona. Sa'genna nikaluppai taba sikalimo anjo wattu kala'bianga ri kanre-kanreang, lanri sanna' duduna anjo wattu kacipuranga, sa'genna kalotoro' anne pa'rasanganga.

PA'JARIANG 41:55

Ri wattunna appakkaramulamo ra'yaka ri Mesir naalle cipuru', appala'mi ke'nanga apa lanakanrea mae ri karaenga. Nampa nisuromo ke'nanga ri karaenga mange ri Yusuf. Naturukimi ke'nanga sikontu apa naparentakanga Yusuf mae ri ke'nanga.

PA'JARIANG 41:57

Nia'mi taua battu ri sikontu linoa mange ri Mesir untu' ammalli gandung battu ri Yusuf, lanri anjo kacipuranga pila' sarrimmi kajarianna ri kere-keremae.

PA'JARIANG 43:1

Pila' sarrimmi kacipuranga ri Kanaan.

PA'JARIANG 12:10

Mingka anjo wattua naallei kacipurang lompo taua ri butta Kanaan. Sa'genna pila' bellami jappana Abram a'lampa timboro', mange ri butta Mesir, nampa ammantang anjoreng sa'genna allalo anjo bala kacipurang lompoa.