PA'JARIANG 41:55 - KITTA' MATANGKASA'

⁵⁵ Ri wattunna appakkaramulamo ra'yaka ri Mesir naalle cipuru', appala'mi ke'nanga apa lanakanrea mae ri karaenga. Nampa nisuromo ke'nanga ri karaenga mange ri Yusuf. Naturukimi ke'nanga sikontu apa naparentakanga Yusuf mae ri ke'nanga.

PA'JARIANG 41:55 Referans Kwoze

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

KOLOSE 1:19

KalenNa tonji Allata'ala angkaerokangi sollanna sikontu apa-apa niaka ri KalenNa Allata'ala, nia' ngaseng tongi ri KalenNa Ana'Na.

FILIPI 4:19

Allata'ala kusombaya, allumpai kakalumanynyanganNa lalang ri Isa Almasi; na Iami lassareang ngasengko sikontu kaparalluannu.

YOHANES 2:5

Mingka nakanamo amma'Na Isa ri pala'-palayanga, “Gaukang mami apa Napassuroanga ri kau ngaseng.”

PA'JARIANG 41:56

Ri wattunna pila' a'jari sarrimmo anjo kacipuranga, siagang alla'bammi mae ri sikontu pa'rasanganga, nasungkemi Yusuf sikamma gudanga nampa nabalukang anjo gandunga mae ri tu Mesir.

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.