PA'JARIANG 41:54 - KITTA' MATANGKASA'

⁵⁴ Jari battumi wattu tuju taunga sallona kacipuranga, sicoco' le'ba' siagang apa le'baka napau Yusuf. Kajariammi wattu kacipuranga ri sikontu linoa, mingka ri sikontu pa'rasangang Mesir nia'mo kanre-kanreang nipasadia.

PA'JARIANG 41:54 Referans Kwoze

LAMPA-LAMPANA 7:11

Nampa nia' se're wattu nanaalle kacipurang lompo tuma'buttaya ri sikontu pa'rasangang Mesir siagang pa'rasangang Kanaan, sa'genna sanna' ngaseng pa'risi'na katallassanna taua. Takkulleami anggappa apa-apa lanakanre boe-boeta.

PAMMUJI 105:16

Napabattui Batara kacipuranga ri anjo pa'rasanganga, na Naalle sikontu parsadiaang kanrea.

PA'JARIANG 45:11

Punna niakki' ri Gosyen, akkullema' amparakaiki'. Sallo iji wattu kacipuranga, iamintu liman taumpi. Lakuusahakangi sollanta ikatte, kaluargata, siagang sikamma olo'-olotta tena nalakakurangang apa-apa.’ ”

PA'JARIANG 41:30

Le'baki anjo labattumi wattu kacipurang tuju taung sallona. Sa'genna nikaluppai taba sikalimo anjo wattu kala'bianga ri kanre-kanreang, lanri sanna' duduna anjo wattu kacipuranga, sa'genna kalotoro' anne pa'rasanganga.

PA'JARIANG 47:13

Anjo kacipuranga sanna'mi sarrinna, sa'genna tenamo lanikanrea ri kere-keremae. Ra'yaka ri Mesir siagang ri Kanaan dodong ngasemmi siagang tanakulleami napakamma cipuru'.

PA'JARIANG 43:1

Pila' sarrimmi kacipuranga ri Kanaan.

PA'JARIANG 42:2

Kulangngere' kabaraki angkana nia' gandung nibalukang ri Mesir. A'lampamako mange anjoreng ammalli gandung, sollanna tena nimate cipuru'.”

PA'JARIANG 41:27

Tujua sapi roso', ia ammumbaya ri boko, kammayatompa tujua bulere' gandung opa lanri anging parang, battuanna iamintu tuju taungi lawattu kacipurang.

PA'JARIANG 41:53

Allalomi tuju taung ri wattu nikasia'na kala'bianga ri kanre-kanreang anjo ri pa'rasangang Mesir.

2 KARAENG-KARAENG 8:1

Ri se'reang wattu appabattui Batara bala kacipurang ri Israel niaka tuju taung sallona. Rioloannaya le'ba'mi napau memang Elisa anjo passalaka mae ri baine battua ri Sunem le'baka napattallasa' poleang ana'na. Nasuro tongi Elisa anjo bainea a'lette' siagang kaluargana mange ri pa'rasangang maraenga.