PA'JARIANG 41:38 - KITTA' MATANGKASA'

³⁸ Nampa nakanamo karaenga ri ke'nanga, “Tena olota lakkulle anggappa tau maraeng la'bi cocokangngang naanne Yusuf, lanri ia nipimpingi ri RohNa Allata'ala.”

PA'JARIANG 41:38 Referans Kwoze

AYUB 32:8

Mingka assarea kacara'dekang mae ri rupataua, RohNa bawang Allata'ala Kaminang Koasaya.

DANIEL 5:14

Kulangngereki angkanaya nikoasaiko ri roh-roh matangkasa'na rewata-rewataya, siagang angkanaya nia' kacara'dekannu, pammahannu, siagang pangngassengang lomponu.

DANIEL 5:11

Nasaba' lalang ri kakaraenganna karaengku nia' sitau bura'ne nikoasai ri roh rewata-rewata matangkasaka. Ri wattu pamarentahanna manggena karaengku, anjo taua a'buttimi angkanaya nia' kacara'dekanna, pammahanna siagang pangngassenganna, sangkamma pangngassenganna sikamma rewataya. Manggena karaengku, iamintu Karaeng Nebukadnezar, le'baki naangka' anjo taua a'jari pamimping mae ri pacinika siagang tau cara'deka accini' bintoeng.

PAMMILANGNGANG 27:18

Nakanamo Batara mae ri Musa, “Kioki Yosua, ana'na Nun. Anjo taua cara'deki. Padongkoki limannu irate ri tompo' ulunna.

DANIEL 4:18

He Beltsazar, iaminjo so'naku. Kamma-kamma anne paumi ri nakke apa battuanna anjo so'naku. Tena manna sitau battu ri sikamma tau cara'de' niaka lalang kakaraengangku akkulle ampauanga' battuanna, mingka ikau akkulleko, nasaba' nikoasaiko ri rohna rewata-rewata matangkasaka.”

DANIEL 4:6

Nampa kukio' sikamma tucara'deka, ia niaka ri Babel untu' ampakasingaraki battuanna anjo so'naya mae ri nakke.

DANIEL 6:3

Daniel siagang rua tau maraengannaya niangkaki untu' angngawasi anjo sikamma guburnurka sollanna tena nanirugikangi karaenga.

PA'JARIANG 41:37

Nasitujui karaenga siagang sikamma pagawena anjo rancanana Yusuf.

YESAYA 19:11

Teai sipato' dongo'na sikamma pamimpinna kota Zoan! Tu Mesir kaminang cara'deka assare pappakainga' tolo! Baranina ke'nanga angkana mae ri karaenga angkana turungannai ke'nanga tu cara'de' siagang karaeng-karaeng turiolo dudua!

EZRA 7:25

Sari'battang Ezra, pa'matu-matui kacara'dekang Napassareanga Allata'ala mae ri kau, siagang angngangkakko siapa are pamimping siagang haking-haking untu' ammarenta ri sikontu taua ri propinsi Efrat bageang ilau', ia attallasaka situru' HukkunNa Allata'alanu. Parallui nupangngajarrang anjo hukkunga mae ri sikontu tau tenayapa naassengi.

PANGNGEBARANG 14:35

Sannangi pa'mai'na karaenga mae ri pagawe cara'deka; mingka larroi mae ri pagawe tenaya nakkulle ampajappai tugasa'na.

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

DANIEL 6:4

Kabateammi linta' angkanaya jama-jamanna Daniel la'bi bajikangngangi najama-jamanna sikamma guburnurka siagang pangawasa' maraengannaya. Lanri kammana anjo, ero'mi karaenga angngangkaki a'jari pamarenta mae ri sikontu kakaraenganga.