PA'JARIANG 40:22 - KITTA' MATANGKASA'

²² Mingka anjo pangngurusu' rotia nihukkung matei. Yangasenna anjo kajarianga sicocoki siagang apa le'baka napau Yusuf.

PA'JARIANG 40:22 Referans Kwoze

PA'JARIANG 40:19

Lalang tallungngalloa anne, lanasuroi karaenga taua ansamballei kallonnu sa'genna tassa'la' ulunnu. Nampa nagentung kalennu ri se'reang benteng, sa'genna battu jangang-janganga angkanrei dagennu.”

LAMPA-LAMPANA 5:30

Anjo Isa, le'baka nusalli', nipattallasa' poleammi ammotere' battu ri kamateanga, lanri koasaNa Allata'alana boe-boeta.

DANIEL 5:12

Teai sipato' cara'de'na siagang porena kammayatompa panritana anjo taua ampakasingaraki so'naya, siagang ansungkei rahasiaya kammayatompa anreppeki sikamma apa sukkaraka. Arenna anjo taua iamintu Daniel, mingka niarengi Beltsazar ri karaenga. Suro kio'mi anjo taua. Iami lampauangi karaengku angkana apa battuanna anjo tulisanga.”

DANIEL 2:30

Anne rahasiaya le'ba'mi nipakasingara' mae ri atanta mingka teai lanri anne atanta la'bi cara'dekangngangi natau maraenga, passangalinna akkulle kiasseng battuanna anjo so'nata karaeng, siagang niasseng todong bone atinta karaeng.

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

PA'JARIANG 41:16

Appialimi Yusuf angkana, “Teai anne atanta karaeng, mingka Allata'ala lampakasingara' bajiki.”

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

PA'JARIANG 40:1

Siapa are wattu ribokoanganna, nia' rua palayanna karaeng Mesir appare' kasalang mae ri karaenga. Jama-jamanna ke'nanga iamintu pangngurusu' inunganna siagang rotina karaenga.

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.