PA'JARIANG 4:8 - KITTA' MATANGKASA'

⁸ Nampa nakana Kain mae ri Habel, andi'na, “Umba nakia'lampa mange ri kokoa.” Battui ke'nanga mange anjoreng, nabakkaimi na nabuno anjo andi'na Habel.

PA'JARIANG 4:8 Referans Kwoze

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

MATIUS 23:35

Jari lanihukkung ngasengko sallang, lanri nubunona tau tenaya salana: Appakkaramula ri nibunona Habel tenaya salana, sa'genna nubunona Zakharia ana'na Berekia lalang ri alla'na Balla'Na Batara siagang tampa' pakkoro'bangnganga.

LUKAS 11:51

Iamintu pammunoang appakkaramulaya battu ri Habel sa'genna Zakharia, le'baka kajariang ri ampi'na pakkoro'bangnganga siagang Balla'Na Batara. Patappa'mi angkanaya: Passabakkang yangaseng minjo namattantumo lanihukkunna ngaseng anne taua ri anne jammanga.

MIKHA 7:6

Nasaba', ri wattu kammaya anne para anggota kaluarga massing lasimusu; ana' bura'nea nahinai manggena, ana' bainea naewai amma'na, siagang mintu bainea a'besereki siagang matoang bainena.

2 SAMUEL 14:6

Nia' ana' bura'nena atanta rua. Ri se'reang allo a'besereki ke'nanga ri paranga. Lanri tenana tau ansa'lakki ke'nanga, matemi kalase'renna nibuno ri sari'battanna.

NEHEMIA 6:2

Jari akkirimmi undangang Sanbalat siagang Gesyem ri nakke sollangku battu angngagangi ke'nanga sibuntulu' ri se'reang desa ri Ka'bung Ono. Mingka kuassengi angkana napa'boyanga' akkala' ero' nabalai ke'nanga.

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

PAMMUJI 55:21

Le'ba' belaku nabunduki agang-aganna, nakaluppai janjinna.

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

AYUB 11:15

Nanukkulle andallekangi tallasaka siagang sa'bara' na barani; lammenteng kassakko siagang tena nuparallu lussa',

LUKAS 22:48

Mingka Nakanamo Isa ri ia, “O Yudas, iaminne nubauku nupake ambalukangi Ana' Ma'rupataua?”

PAMMUJI 139:19

Poro kitumpasa' lalo tau ja'dalaka, o, Allata'ala, Kipakabellai battu ri nakke tau appasolonga cera'!

IBRANI 11:4

Lanri tappa'na, nanapassareang Habel koro'banga mae ri Allata'ala, iamintu koro'bang bajikanganga na koro'bang napassareanga Kain. Lanri ia anjo tappa'na, nanitarimamo Habel ri Allata'ala a'jari tau baji'; nasaba' ma'nassami angkana nitarimai ri Allata'ala koro'banna. Matemi Habel, mingka lanri anjo tappa'na, tuli a'bicarana ija sa'genna kamma-kamma anne.

PA'JARIANG 4:25

Anggappami pole Adam siagang bainenna sitau ana' bura'ne. Nakanamo Hawa, “Nasarema' Allata'ala ana' bura'ne a'jari sambenna Habel, le'baka nabuno Kain.” Lanri kammana minjo nanaaremmo Hawa anjo anaka Set.

PAMMILANGNGANG 35:20

Punna nia' tau angkabirisi paranna tau, nampa napatappasaki na nabuno yareka nasambilai apa-apa namate,

2 PATTOTTORANG 21:4

Ri wattunna kassa'mo nasa'ring Yehoram empoanna salaku karaeng, nasuro buno kabusu'mi sari'battanna siagang siapa are pagawe tinggina.

HOSEA 4:2

Assumpai ke'nanga mingka tena narupai; paballe-ballei ke'nanga, ammunoi, a'lukkaki siagang a'gau' bawangi. Katambangi ka'ja'dallanga, siagang sitampe-tampei kajariang pammunoanga.