PA'JARIANG 4:3 - KITTA' MATANGKASA'

³ Siapa are wattu ribokoanganna naallemi Kain siapa are wassele' lamung-lamunna nampa nakoro'bangkang mange ri Batara.

PA'JARIANG 4:3 Referans Kwoze

PAMMILANGNGANG 18:12

Kupassareangi mae ri kau sikamma kaminang bajika battu ri kattoang uru-urua, napassareanga tu Israel mae ri Nakke tunggala' taung, iamintu minynya' zaitun, je'ne' anggoro' siagang gandung.

1 KARAENG-KARAENG 17:7

Siapa are sallona le'ba'na, kalotoro'mi anjo pangka binangaya lanri tenana bosi.

NEHEMIA 13:6

Ri wattunna kajariang anjo passalaka, inakke tena' ri Yerusalem, nasaba' ri makatallumpulona anrua ammarenta Karaeng Artahsasta, karaeng Babel, inakke a'lampa' mange ri Babel untu' a'laporo' mae ri karaenga. Siapa arepi allo ribokoanganna nampa nikellaia'

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

PA'JARIANG 4:2

Nampa ammana'mo pole Hawa sitau ana' bura'ne, niarenga Habel. Habel a'jari pakalawaki gimbala', mingka Kain a'jari pamarri.

PA'JARIANG 4:4

Na naalle tommo Habel kalase'renna ana' gimbala' bungasa'na, nanasamballe, nampa nakoro'bangkang bageang kaminang bajika mange ri Batara. Sannammi nyawaNa Batara mae ri Habel siagang anjo koro'bang napassareanga.