PA'JARIANG 39:6 - KITTA' MATANGKASA'

⁶ Sikontu apa-apa napatanga Potifar napappirannuang ngasengi mange ri Yusuf. Kammaminjo natenamo napangngassengi Potifar sikamma urusanga lalang balla'na, pantaranganna nikanaya apa nakanrea. Anjo Yusuf sanna' gammara'na siagang sanna' ga'gana.

PA'JARIANG 39:6 Referans Kwoze

PANGNGEBARANG 31:11

Tena nalakakurangang apa-apa bura'nenna, lanri napadongkoki panrannuanna mae ri ia.

1 SAMUEL 16:12

Nampa nasuromo Isai mae angkioki anjo anaka. Niassemmi angkanaya anjo anaka se're turungka gammara' siagang bajiki kalenna, siagang ga'gai matanna. Nampa Nakanamo Batara ri Samuel, “Iaminne taunna. Minynyakimi na nuangka'!”

PA'JARIANG 29:17

Anjo Lea ga'gai matanna, na Rahel bajiki kalenna siagang ga'gai tanja'na.

LUKAS 19:17

Nakanamo anjo karaenga, ‘Baji'mi! Palayang bajikko! Nasaba' akkulleko nipatappa' ri passala' apa-apa ca'dia, lakupa'jari mako tau koasa ammarenta sampulo kota.’

LAMPA-LAMPANA 7:20

Iaminjo wattua nanilassukangi Musa; sanna' ga'gana ri wattunna ana' lolo. Tallum bulangi sallona niparakai cokko-cokko ri balla'na tau toana;

LUKAS 16:10

Inai-nai akkulle nipatappa' ri passala' apa ca'di-ca'dia iami akkulle tongi nipatappa' ri passala' apa-apa lompoanganga. Mingka inai-nai takkullea nipatappa' ri passala' apa ca'di-ca'dia, takkullea tongi nipatappa' ri passala' apa-apa lompoanganga.

PA'JARIANG 43:32

Yusuf angnganrei ri meja maraenga, na sikamma sari'battanna ri meja maraeng todong. Sikamma tu Mesirka ri meja maraeng todong pole, lanri nakanai kalenna tuna ke'nanga punna sipangnganreang siagang tu Ibrani.

PA'JARIANG 39:23

Anjo kapala balla' tarungkua tenamo najannangngi sikontu apa-apa napappirannuanga mae ri Yusuf lanri nitulungi Yusuf ri Batara sa'genna a'jari ngaseng sikontu jama-jamanna siagang baji'.

PA'JARIANG 39:8

Mingka taerokai Yusuf. Nakanamo Yusuf ri ia, “Pammopporanga' Ibu'. Le'ba'mi napappirannuang ngaseng Potifar sikontu apa-apanna mae ri nakke. Tenamo naparallu ampikkiriki apa-apa niaka lalang ri anne ballaka.

PA'JARIANG 39:4

Sannammi nyawana Potifar mae ri Yusuf, siagang naangka'mi a'jari palayang untu' kalenna. Nampa nasare tugasa' Yusuf untu' angngurusuki bone balla'na kammayatompa sikontu pa'barang-baranganna.

1 SAMUEL 17:42

Mingka nacini'na Daud nampa naparhatikang, ammakkala'mi Goliat ancau-caui Daud lanri rungka iji na ga'ga nacini'.