PA'JARIANG 39:3 - KITTA' MATANGKASA'

³ Nacini'mi karaenna angkana nitulungi ri Batara anjo Yusuf. Na lanri kammana minjo nanjari ngasemmo siagang baji' sikontu apa najamaya.

PA'JARIANG 39:3 Referans Kwoze

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PA'JARIANG 30:27

Nakanamo Laban ri ia, “Pilangngeri rolong. Anggappa' pakkasia' angkanaya nibarakkakia' ri Batara lanri ikau.

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

2 PATTOTTORANG 26:5

Zakharia a'jari gurunna ri passala' katappakkanna mae ri Batara. Lalang attallasa'na ija Zakharia, majarreki tappa'na Uzia siagang anynyombai ri Batara sa'genna nibarakkaki ri Batara.

1 SAMUEL 18:14

Nakullemi nagaukang anjo sikontu tugasa'na, lanri nitulungi ri Batara.

PA'JARIANG 21:22

Anjo wattua nia'mi battu Karaeng Abimelekh siagang Pikhol, panglima tantarana, nampa nakana ri Abraham, “Le'ba' mako Natulung Allata'ala ilalang sikontu apa nugaukanga.

PA'JARIANG 26:28

Appialimi ke'nanga angkana, “Kamma-kamma anne naassemmi ikambe angkanaya Najagaiko Batara, siagang napikkiriki ikambe angkanaya bajiki punna apparekki' parjanjiang. Assumpa mako

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.

1 KORINTUS 16:2

Punna allo Minggu, iamintu allo bungasaka, paralluko massing assare doe', situru' massing panggappanu. Boliki anjo doeka sa'gengku battu, sollanna punna battua', tenamo naparallu nipasse're pole.

ZAKHARIA 8:23

Ri anjo allo-allo kammaya, sampulo tau bansa maraeng labattu mange ri se're tu Yahudi na nakana, ‘Ero' tongi ikambe upa' sangkamma ikau ngaseng; nasaba' nalangngereki ikambe angkanaya Nabarakkaki ngasengko Allata'ala.’ ” Kammaminjo kana le'baka Napau Batara Kaminang Koasaya.

NEHEMIA 2:20

Appialima' angkana, “Allata'ala, makoasaya ri suruga, iami lassarei ikambe pakkulle sa'genna a'jari anne jama-jamanna ikambe. Ikambe anne atanNa siagang lappakkaramulai ambangung ikambe. Mingka ikau ngaseng antu, tena ha'nu siagang tena apa-apannu ri Yerusalem. Ba'lalo punna a'bicara taua ri passala'na Yerusalem, talanitappuai arennu kau.”

1 PATTOTTORANG 22:13

Punna nuturuki sikontu hukkung Napassareanga Batara ri Musa untu' bansa Israel, la'wasselekko. Paralluko matappa' siagang barani. Teako mallakki andallekangi manna pole apa mamo.

1 SAMUEL 18:28

Kammaminjo nanaassemmo Saul angkanaya Daud nila'langi ri Batara, siagang ningai tongi ri Mikhal ana' bainena.

PA'JARIANG 39:23

Anjo kapala balla' tarungkua tenamo najannangngi sikontu apa-apa napappirannuanga mae ri Yusuf lanri nitulungi Yusuf ri Batara sa'genna a'jari ngaseng sikontu jama-jamanna siagang baji'.

PA'JARIANG 30:30

Ri tenanapa kubattu tena nasiapa barang-baranta, mingka kamma-kamma anne kalumanynyang maki' purina. Nabarakkaki maki' Batara lanri inakke. Kamma-kamma anne narapi'mi wattunna sollangku anjama untu' kalenna kaluargaku.”

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 21:20

Nirurungammi Ismael ri Allata'ala. Pila' a'bakka'mi lompona anjo anaka. Ammantangi ri parang lompona Paran, siagang a'jarimi pasoso' sannaka cara'de'na.

PA'JARIANG 39:2

Nitulummi Yusuf ri Batara, sa'genna tuli a'jari baji' sikontu apa najamaya. Ammantammi ri balla'na karaenna, anjo tu Mesirka.

2 KARAENG-KARAENG 18:7

Lanri kammanami anjo natuli nitulung ri Batara, sa'genna a'jari ngaseng sikontu usahana. Angngewai ri karaeng Asyur, siagang tena naero' tundu' mae ri ia.

PA'JARIANG 21:23

Lanri kammana, assumpamako anrinni ri dallekanNa Allata'ala, angkanaya tena nulakodi ateka' mae ri nakke, kammayatompa mae ri ana'-anakku, yareka ri turungangku. Sangkamma inakke bajiki pa'maikku mae ri kau, kamma tomminjo kupalaki nukamma todong anjo mae ri nakke siagang mae ri anne pa'rasangang nupammantangngia.”

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

PAOLE 2:7

U'rangi antekamma bateNa Karaeng Allata'alanu le'ba' ambarakkakiko lalang sikontu apa nugaukanga. Naparakaiko siapa sallonu lalang ri pa'la'bakkannu a'jappa ri anne parang lompoa. Nala'langngiko lalang anne patampulo taunga siagang Nasareko sikontu apa nuparalluanga.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

1 SAMUEL 3:19

Pila' katambammi lompona Samuel. Nirurungangi ri Batara, siagang Napa'rupami sikamma apa napaua Samuel kajariang tojeng.

1 PATTOTTORANG 9:20

Pinehas (battuanna poro nila'langi ri Batara) le'ba' a'jari kapalana ke'nanga.

2 PATTOTTORANG 1:1

Salomo ana' bura'nena Karaeng Daud a'jarimi karaeng kassa' empoanna lalang ri kakaraengang Israel. Nibarakkaki ri Karaeng Allata'alana, siagang nipa'jari sannaki lompona kakoasanna.