PA'JARIANG 37:5 - KITTA' MATANGKASA'

⁵ Ri se'reang bangngi asso'nami Yusuf. Na ri wattunna nacarita anjo so'nana mae ri sikamma daenna, pila' birisi'mi ke'nanga mae ri ia.

PA'JARIANG 37:5 Referans Kwoze

PA'JARIANG 28:12

Nampa asso'namo lalang tinrona. Nia' nacini' tuka' ammenteng ri buttaya nampa cappa'na ta'rapiki ri langika. Siagang nia'mo malaeka' nai'-naung ri anjo tukaka.

YOHANES 17:14

Le'ba'mi Kupabattu mae ri ke'nanga kananTa; nanikabirisimo ke'nanga ri linoa, lanri teai anne linoa ampatangi ke'nanga, sangkamma iNakke, teai anne linoa ampatangA'.

YO"EL 2:28

“Le'baki anjo, sikontu taua laKupilumpai ngasengi siagang RohKu. Na sikamma ana'nu bura'ne baine lanapabattui pasang-pasangKu; tutoa-toa niaka ri alla'nu langgappai pappiso'na turungkaya bura'ne baine langgappai paccini'.

DANIEL 4:5

Mingka ri se'reang bangngi, ri wattu lalang tinroku, asso'na' anggappa paccini', sannaka napakalussa'na nyawaku.

PA'JARIANG 42:9

Nampa nau'rangimi so'nana Yusuf ri passala'na ke'nanga. Nakanamo Yusuf, “Ikau ngaseng anne mata-matako; battu ngasengko ero' ansalidiki kalammaanna pa'rasanganna ikambe.”

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

PA'JARIANG 37:4

Nacini'na sikamma daenna Yusuf angkanaya la'bi ningaiangngangi Yusuf ri manggena na kalenna ke'nanga, birisi'mi ke'nanga mae ri Yusuf. Sa'genna taerokami ke'nanga a'bicara baji' mae ri ia.

1 KARAENG-KARAENG 3:5

Anjo bangngia napappicinikangi KalenNa Batara mae ri ia lalang so'na siagang nakana, “Salomo, pala'mi apa nukaerokia, nampa Kusareangko anjo apa nupalaka!”

DANIEL 2:1

Ri se'reang bangngi, ruan taung ammarentana Karaeng Nebukadnezar, asso'nami. Anjo so'nana sanna' napakalussa'na nyawana, sa'genna takkullea tinro napakamma.

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

PA'JARIANG 49:23

A'bakka tojemmi musua, angngondangi siagang pana.

PA'JARIANG 41:1

Allaloi ruan taung, asso'nami karaeng Mesir. Asso'nai ammenteng ri birinna Binanga Nil.

PA'JARIANG 40:5

Ri se'reang bangngi, massing asso'nami anjo pangngurusu' inunganga siagang pangngurusu' rotia.

PA'JARIANG 37:8

Nipauammi ri sikamma daenna angkana, “Nukapangi angkana la'jari karaengko siagang lakoasako mae ri kambe?” Jari pila' birisi'mi sikamma daenna lanri so'na-so'nana siagang lanri apa anjo nacaritaya.

PA'JARIANG 31:10

Na ri wattu a'lakina anjo olo'-oloka, asso'nama' nakucini' sikontu bembe laki sitabanga a'laki, a'buriki kalenna, a'batti'-battiki, siagang a'ballangi.

PA'JARIANG 31:11

Siagang nia'mi Allata'ala a'rupa malaeka' a'bicara ri nakke lalang anjo so'naku, angkana, ‘Yakub!’ Appialima' angkana, ‘Iye'’.

PA'JARIANG 37:6

Iaminne nacaritaya Yusuf ri ke'nanga, “Pilangngeri sai!

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”