PA'JARIANG 37:4 - KITTA' MATANGKASA'

⁴ Nacini'na sikamma daenna Yusuf angkanaya la'bi ningaiangngangi Yusuf ri manggena na kalenna ke'nanga, birisi'mi ke'nanga mae ri Yusuf. Sa'genna taerokami ke'nanga a'bicara baji' mae ri ia.

PA'JARIANG 37:4 Referans Kwoze

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

1 YOHANES 4:20

Punna nia' tau angkana, “Kukamaseangi Allata'ala,” mingka nakabirisi paranna tau, paballe-ballei anjo taua. Nasaba' inai-nai tena nakamaseangi paranna tau, iamintu nacinika matanna, tena olona lakkulle nakamaseang Allata'ala, ia tenaya naciniki.

1 YOHANES 3:12

Teako sangkammai Kain, ia battua ri I Ja'dala' assala'na, siagang ambunoai sari'battang kalenna. Apa saba'na nanabuno Kain sari'battanna? Nasaba' salai anjo apa-apa nagaukanga mingka annabai anjo apa-apa nagaukanga sari'battanna.

1 YOHANES 2:11

Mingka inai-nai angkabirisi sari'battanna, ma'nassa lalammi ri sassanga. Lalammi ri sassanga a'jappa, siagang tanaassengami angkana la'lampa kereimae, nasaba' takkulleai accini' napakamma anjo sassanga.

PAMMUJI 69:4

Akkio'-kiokka' sa'gengku mangngang nakalotoro'mo karro'-karrokku. Paccemi matangku antayangi pannulunNa Allata'alaku.

1 SAMUEL 17:28

Eliab daenna Daud toaya nalangngereki Daud a'bicara siagang anjo taua. Sanna'mi larrona mae ri Daud na nakana, “Angngapa nubattu mae anrinni? Inaimi nusuro angngurusuki sikamma gimbalaka anjo pirang kayua ri paranga? Kuassengi, angkana ero' nikanako barani. Battuko mae kaero'nuji bawang anciniki pa'bundukanga!”

PA'JARIANG 37:5

Ri se'reang bangngi asso'nami Yusuf. Na ri wattunna nacarita anjo so'nana mae ri sikamma daenna, pila' birisi'mi ke'nanga mae ri ia.

PA'JARIANG 4:5

Mingka natollaki Kain siagang koro'bang napassareanga. Larro sikalimi Kain, siagang sekke'mi nicini' tanja'na.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

PAMMUJI 38:19

Kumangakui dosa-dosaku; lussaki pa'maikku annawa-nawai kasalangku.

PA'JARIANG 49:23

A'bakka tojemmi musua, angngondangi siagang pana.

PA'JARIANG 37:11

Sikamma daenna Yusuf angngiri mata ngasemmi. Mingka ia manggena, tuli nanawa-nawami anjo so'naya.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

MARKUS 3:25

Na punna nia' se're balla', natena nassamaturu' bonena, siagang assimusu-musui para ia, tena taancuru'na ngaseng bonena.