PA'JARIANG 37:27 - KITTA' MATANGKASA'

²⁷ Umba nanibalukangi mae ri anjo tu Ismael. Tea'mi nipa'risi. Manna antekamma, kaia anditta tonji.” Situju ngasemmi sikamma sari'battanna.

PA'JARIANG 37:27 Referans Kwoze

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

PA'JARIANG 42:21

Nampa nakanamo massing para ia ke'nanga, “Kamma-kamma anne nihukkung maki' passabakkang salanta mae ri anditta pirangngalloang; appala' tulungi mingka tena nijampangi, manna nasessamo nicini'. Iaminjo saba'na nakianggappamo sessa ri kamma-kammaya anne.”

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.

1 TIMOTIUS 1:10

tau a'gau' bawanga, tau sigau' bawanga para bura'ne, pagorraka, paballe-ballea; sa'bi-sa'bi balle-ballea, kammayatompa inai-nai mamo anggaukangai apa-apa assisalaya siagang pangngajarang tojenga.

MATIUS 26:15

Nakanamo ri ke'nanga, “Apa lanusareanga' punna kupassareang Isa ri kau?” Nisaremi ri ke'nanga tallumpulo doe' pera'.

NEHEMIA 5:8

Kukanamo ri ke'nanga, “Nipikulle-kulleimi nakkulle nipasulu' sikamma sari'battanta tu Yahudi ia tarpassaya ambalukangi kalenna mae ri bansa maraenga. Mingka angngapa nakamma-kamma anne ikau ngaseng ba'lalo ampassai ke'nanga ambalukangi kalenna mae ri kau ngaseng, na ikau tu Yahudi ngaseng tonjako!” Tappialiami anjo sikamma pamimpinga manna sibuku kana.

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

KALAPPASSANG 21:21

Mingka punna tenaja namate anjo ataya lalang siallo yareka ruangallo, tena nanihukkungi anjo pinggawana. Anjo karugiang nakasiaka lanri tappela'namo atanna, iaminjo a'jari hukkungang mae ri ia.

KALAPPASSANG 21:16

Inai-nai a'llukka' tau, musti nihukkung matei, apaka le'ba'mi nabalukang anjo taua yareka nania' ija ri balla'na.

PA'JARIANG 37:22

Nipela' mami antama' ri bungung niaka anrinni ri paranga. Mingka teako ba'ji yareka teako bokkaki.” Kammaminjo kananna lanri ero'na napasalama' anjo Yusuf, nampa nasuro ammotere' ri balla'.

PA'JARIANG 29:14

nakanamo Laban, “Kammatojengi, ikau bija ma'reppesekko ri nakke.” Ammantammi Yakub ri anjo ballaka sibulang sallona.

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

NEHEMIA 5:5

Sai ikambe anne tu Yahudi tonjaki'? Sai ana'na ikambe sangkamma tonji ana'-ana' tu Yahudi maraenga? Mingka manna nakamma tarpassa nalappassammi ana'-ana'na ikambe a'jari ata. Ba'lalo nia'mo ana' tulolonna ikambe le'ba' nibalukang a'jari ata. Tenamo pakkullena ikambe lanri le'ba'mi napappita'gallang kokonna siagang koko anggoro'na ikambe.”