PA'JARIANG 35:1 - KITTA' MATANGKASA'

¹ Ri se'reang allo Nakanamo Allata'ala ri Yakub, “INakkemi Allata'ala le'baka ampappicinikangi KalengKu mae ri kau ri wattunnu lari battu ri daennu Esau. A'lampamako mange ri Betel. Ammantang mako anjoreng, siagang ambangung mako tampa' pakkoro'bangngang untu' iNakke.”

PA'JARIANG 35:1 Referans Kwoze

PA'JARIANG 31:13

INakkemi Allata'ala le'baka ampappicinikangi KalengKu ri kau ri Betel. Anjoreng le'ba' mako assare se're batu pangngu'rangi, na nutiriki minynya' mabau' zaitun irateanna. Anjoreng tommako assumpa mae ri Nakke. Kamma-kamma anne sadia mako siagang ammotere' mako ri pa'rasangang kalassukannu.’ ”

HOSEA 12:4

Baku' lalanna ija ri battanna amma'na anjo Yakub, iamintu boe-boena ke'nanga, nanalacci' memammo sari'battang kambara'na iamintu Esau; na ri wattunna lompomo, a'lagami Yakub siagang Allata'ala.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

PA'JARIANG 35:7

Ambangummi Yakub anjoreng se're tampa' pakkoro'bangngang nampa naareng anjo tampaka “El-Betel”, lanri le'ba'na Napappicinikang KalenNa Allata'ala ri ia anjoreng, ri wattu larina battu ri daenna.

PA'JARIANG 31:3

Nakanamo Batara mae ri Yakub, “Ammotere' mako mange ri pa'rasanganna manggenu siagang sikamma bija pammanakannu. INakke lanjagaiko.”

PAMMUJI 47:4

Nasareki' pammetang lompo mae ri bansa-bansaya, Napa'jariki', makoasa mae ri suku-suku bansaya.

KALAPPASSANG 2:15

Ri wattunna nalangngere' karaenga anjo apa kajarianga, a'boyami akkala' untu' ambunoi Musa. Mingka larimi Musa nampa ammantang ri pa'rasangang Midian. Imang battua ri Midian, niarenga Yitro, nia' tuju ana' bainena. Ri se'reang allo, ri wattunna sitabang ammempo Musa ri ampi'na se'reang bungung, battumi anjo tujua ana' tulolonna Yitro untu' anynye'ro' je'ne' siagang ambonei tampa' pangnginungang bembena siagang gimbala'na manggena ke'nanga.

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

PA'JARIANG 16:8

Nakanamo anjo malaekaka, “O Hagar, atanna Sarai, battu kemaeko siagang la'lampa kemaeko?” Appialimi Hagar angkana, “Laria' ambokoi Sarai, ibuku.”

PA'JARIANG 12:8

Le'baki anjo napatulusu'mi jappana a'lampa timboro', ri daera a'bontoa irayanganna kota Betel nampa akkema ri alla'na kota Betel siagang kota Ai. Betel ilaukang siagang Ai irayangngang. Ambangung tommi anjoreng tampa' pakkoro'bangngang nampa anynyomba ri Batara.

NAHUM 1:15

Ciniki, nia' sitau suro battu ri moncong-monconga, angngerang kabara' baji', iamintu kabara' pammetang. He bansa Yehuda, pakalompoi allo lomponu siagang bayaraki tinja'nu mae ri Allata'ala. Tenamo nalanijaja pa'rasangannu ri tau ja'dalaka. Le'ba'mi niancuru' taba sikali ke'nanga.

PAMMUJI 46:1

Pammujina golongang Korah. Untu' pamimpin pakelong. Lagu Alamot.

PA'JARIANG 34:31

Mingka appialimi ke'nanga angkana, “Takkulleai nabalang parekang andi'na ikambe nipare' sangkamma baine pagau' sala.”

1 SAMUEL 10:3

Nakana pole Samuel, “Battu anjoreng a'jappa tulusu' mako sa'genna ri poko' kayu tampa' passambayanganga ri Tabor. Anjoreng lasibuntulu' mako siagang tallu tu bura'ne sitabanga a'jappa mange ri Betel untu' assare koro'bang mae ri Allata'ala. Sitau anrenreng tallung kayu ana' bembe, sitau angngerang tallumbatu roti, na sitaua pole angngerang pammoneang rassi anggoro'.

PA'JARIANG 29:1

Napatulusu'mi jappana Yakub, a'lampa mange ri pa'rasangang bageang rayanganna Kanaan.

PA'JARIANG 35:15

Naaremmi anjo tampaka “Betel”.