PA'JARIANG 34:5 - KITTA' MATANGKASA'

⁵ Nalangngere'mi Yakub angkanaya le'baki nija'dalli ana'na. Mingka lanri sitabangi nia' ngaseng ana'na ri paranga angkalawaki olo'-olo'na, takkulleami gio' lalang tenanapa nammotere' ke'nanga.

PA'JARIANG 34:5 Referans Kwoze

2 SAMUEL 13:22

Naboli'-boli'mi larro duduna Absalom mae ri Amnon siagang taerokami angngagangi akkana lanri le'ba'na nagau' sala andi'na iamintu Tamar.

LUKAS 15:29

Mingka nakanamo anjo anaka, ‘Attaung-taummi salloku akkareso ampanjamangki'. Tena le'bakai takugaukang apa kipassuroanga ri nakke. Na apa le'ba' kipassareang mae ri nakke? Manna sikayu bembe tale'baka' kisare lakupake assua'-suara' siagang agang-agangku!

LUKAS 15:25

Anjo wattua, sitabangi nia' ri kokoa ana' bungasaka. Ri wattunna ammotere' nanrapi' ri rampi' ballaka, nalangngere'mi sa'ra sulinga siagang tau a'dansaya.

1 SAMUEL 17:15

biasai Daud a'lampa ambokoi Saul siagang ammotere' mange ri Betlehem untu' angkalawaki gimbala'na manggena.

1 SAMUEL 16:11

Nampa akkuta'nang Samuel ri ia angkana, “Ia ngasenji anne bawang ana'nu bura'nea?” Appialimi Isai angkana, “Nia' ija sitaupi, iamintu bungkoa, mingka sitabangi a'lampa akkalawaki gimbala'.” Nakanamo Samuel, “Suro kioki, nasaba' tena kilangnganre punna tenapa nabattu.”

1 SAMUEL 10:27

Mingka nia'mo siapa are tau ja'dala' angkana, “Kemae lakkulle a'matu-matu anne taua mae ri katte?” Nacini' rawami ke'nanga anjo Saul siagang taerokai ke'nanga assarei hadia. Mingka assara-sarai Saul tanaassenga anjo kammaya.

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

PA'JARIANG 30:35

Mingka anjo alloa nasa'la'mi Laban sikontu bembe laki a'battika yareka a'ballanga, kammayatompa sikontu bembe gana a'ballanga, a'batti'-battika, yareka ia niaka ra'masa'na kebo'na. Nasa'la' tommi sikontu gimbala' le'lenga bulunna. Nampa nasuro ana'-ana'na angngurusuki sikamma anjo olo'-oloka.

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

PA'JARIANG 34:4

Nakanamo Sikhem ri manggena, “Kupalaki nakiusahai anggappai anjo tuloloa untu' inakke. Erokka' ambuntingi.”

PA'JARIANG 34:6

Battumi Hemor, manggena Sikhem mae ri Yakub, ero' angngagangi a'bicara.

PA'JARIANG 46:34

pauammi angkana battu ri ca'dinu iji nummarakaimo olo'-olo' piara sangkamma boe-boenu. Lanri kammana, lanasuro ngaseng mako ammantang ri Daera Gosyen.” Akkana kammami anjo Yusuf, lanri tu Mesirka nakanai kalenna tuna assibengkoro' siagang sikamma pakalawakia.