PA'JARIANG 34:14 - KITTA' MATANGKASA'

¹⁴ Nakanamo ke'nanga ri anjo tau ruaya, “Siri'-siriki ikambe angkellai andi'na ikambe a'bunting siagang tau tenaya nassunna'.

PA'JARIANG 34:14 Referans Kwoze

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

MATIUS 2:13

Ammotere'namo anjo tucara'deka accini' bintoeng, nia'mi pole malaeka'Na Batara ampappicinikangi kalenna lalang so'na mae ri Yusuf. Nakana anjo malaekaka, “Eroki nasuro boya siagang nasuro buno Herodes antu Anaka. Jari ambangungko nai', erangi antu Anaka siagang amma'Na mange accokko ri Mesir. Ammantang mako anjoreng sa'gennu Kusare poleang kabara'.”

MATIUS 2:8

Le'baki anjo nasuromi ke'nanga a'lampa mange ri Betlehem. Na napasang ke'nanga angkanaya, “A'lampamako mange amboya baji'-bajiki anjo Anaka. Napunna nubuntulu'mo, pauang tonga', sollangku mange todong anynyomba ri ia.”

1 KARAENG-KARAENG 21:9

Iaminne bonena anjo suraka, “Pa'la'bangi sollanna appuasa ra'yaka siagang suroi ke'nanga a'rappungang. Lalang ri anjo pa'rappunganga sarei Nabot pammempoang kaminang mala'birika.

2 SAMUEL 15:7

Allaloi patang taung, nakanamo Absalom mae ri Karaeng Daud, “Bapa', kilappassamma' a'lampa mange ri Hebron untu' anrupai janjingku mae ri Batara.

2 SAMUEL 1:20

Dasi-dasi natanalangngera tu Gat anjo kabaraka. Dasi-dasi sepe'-sepe' Askelon tanagappayai kabara'na anjo passalaka. Gassingka akkio' rannui bai'-baine tu Filistin gassingka suaraki akkio' baine kapereka.

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”

PA'JARIANG 17:14

Sikamma bura'-bura'ne tenaya nisunnaki tenamo nalanibilang anggota ummakKu, lanri tenana nanna'gala' mae ri anjo parjanjianga.”

PA'JARIANG 17:11

Appakkaramula ri kamma-kammaya anne musti nusunnaki ana' lolo bura'nea punna narapi'mo sagantuju allo umuru'na, kammayatompa sikontu ata lassuka lalang ri balla'nu yareka balla' nuballia. Iaminjo sunnaka la'jari pammatei ri parjanjiangKu siagang ikau.

PA'JARIANG 34:13

Lanri le'ba'namo nagau' sala Dina, andi'na ke'nanga, a'balle-ballemi sikamma ana'na Yakub mae ri Sikhem siagang Hemor, manggena.

PA'JARIANG 34:15

Iapa nasituju ikambe ri pappala'nu punna akkulle nugaukang anne se'rea passala', iamintu: Ikau ngaseng akkulleko sangkamma ikambe, iamintu sikontu bura'nea musti nisunnaki.

HAKING-HAKING 14:3

Mingka nakanamo tau toana, “Angngapa numusti a'lampa a'boya baine ri tu Filistin, tu tenaya nantama ri golongang umma'Na Batara? Tenaka tulolo baji' lalang ri golonganta todong, yareka lalang ri bansata?” Appialimi Simson ri manggena, angkana, “Mingka kaiaminjo tulolo Filistin kukaeroki. Nakuminasai nakimangemo ampassuroanga'.”