Biblia Todo Logo
Bib sou entènèt

- Piblisite -




PA'JARIANG 32:4 - KITTA' MATANGKASA'

4 Nakana Yakub ri ke'nanga, “Pauangi daengku Esau angkana, ‘Inakke Yakub, atannu. Anne siapa sallona ammantangi ri Laban.

Gade chapit la Kopi




PA'JARIANG 32:4
23 Referans Kwoze  

Kamma tomminjo Sara, mappilangngeri mae ri Abraham siagang akkio' tuangi mae ri Abraham. Ikau kamma-kamma anne ana'-ana'na ngaseng tommaka Sara, punna nugaukang apa-apa bajika siagang tena sikali numalla'-malla' manna pole ri apa-apa mamo.


Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”


Punna nikalarroiko ri tukoasaya, teako palaki ammari anjama. Manna lompo kasalannu, nipammopporangko punna sannangko siagang sa'barakko.


Pappiali lammaya, ampa'jari naungi larroa; pappiali passea appaumbai larro.


Punna kammatojeng na', nia' mako lalang ri kakoasanna anjo taua. Mingka kamma anne batenu nukkulle ta'lappasa': a'lampako linta' mae ri anjo taua; pala' dudumi sollanna naero' ampata'lappasakko.


Jari ammakemi ke'nanga kaeng karung siagang otere' ri kallong, nampa a'lampa ke'nanga mange andallekang ri Ahab siagang angkana, “Benhadad iami atanna karaenga. Napalaki ri katte sollanna tena nakibunoi.” Appialimi Ahab angkana, “Attallasa' ijika anjo sari'battangku?”


Naassengi Saul sa'ranna Daud. Jari akkuta'nammi angkana, “Daud, ikauka antu anakku?” Appialimi Daud angkana, “Iye', karaeng.”


Appialimi Harun angkana, “Teako larroi ri nakke; baji' nuassenna ke'nanga antekamma lompona pattujunna ke'nanga anne untu' a'gau' ja'dala'.


Akkuta'nammi Esau angkana, “Apa ero'nu ri anjo sikamma pa'rappungang kubuntuluka sumpadeng?” Appialimi Yakub angkana, “Untu' ampakasannangi atinta Daeng.”


Appiali mako angkana, ‘Atanta Yakub pata. Nakiringi anne untu' napanynyombang mae ri Esau, karaenna. Atanta Yakub niaki amminawang ri bokona ikambe.’ ”


Kamma-kamma anne nia' sapiku, keledaiku, gimbalakku, bembeku, siagang tunisuroku. Akkiringa' kabara' mae ri karaengku, nakuminasai nalasannang pa'mai'na karaengku allangngereki.’ ”


Appialimi Ishak angkana, “Le'ba'mi kupa'jari anjo andi'nu a'jari karaennu, siagang sikamma bija pammanakannu la'jari ngasengi suro-surona. Le'ba'mi kusare gandung siagang anggoro'. Kamma-kamma anne tena sikalimo apa-apa akkulle kugaukang untu' ikau, Na'!”


Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”


“Ikambe anne nipakalompoki' lanri ikattemi sitau pamimping makassaka ri alla'na ikambe. Jari kitarawammi bainenta ilalang ri pa'jerakkang kaminang bajika ia napatanga ikambe. Ikambe anne sannang ngasengi pa'maitta ansadiakangi pa'jerakkanna bainenta.”


Punna baji' apa nugaukanga, mattantu ta'muriko. Mingka punna kodi apa nugaukanga, attayammi dosaya untu' antama' ri atinnu. Eroki dosaya angkoasai kalennu, mingka musti nubetai.”


Kammaminjo kukasia' ri wattu anjamaku ri katte ruampulo taung sallona. Sampulo angngappa' taung salloku anjama untu' anggappai anjo ruaya anatta, nampa annang taung pole salloku anjama untu' anggappai anjo bembea siagang gimbalaka. Na lalang siapaya anjo sallona, niaki pissampulo kipinra gajiku.


Kasa'barrang nirurungangang ri kana-kana lamma akkullei napa'jari tappa' tukoasaya, siagang naancuru' sikontu angngewaya.


Nakanamo ri Yakub, “Teai sipato' cipurukku. Saresa' sike'de' anjo campe' ejaya.” (Iaminjo saba'na naniareng Edom.)


A'jappa riolo maki', lappassamma' a'jappa palang-palang. La'jappaja' silinta'-lintakku siagang anne olo'-oloka kammayatompa ana'-anakku sa'genta akkulle kurapi' ri Edom.”


Jari anjo Esau niarenga todong Edom, ammantammi ri Daera Monconna Seir.


Iaminne turunganna Esau, boe-boena tu Edom.


Ri wattu a'lampanu battu ri Seir, o Batara, na Kibokoi daera Edom, ma'gioki buttaya, tassungkei passolongang langika, na natu'gurammo je'ne'na rammanga.


Iaminne pappasang ri passala'na Edom. Nia' tau akkio' battu ri Edom mae ri nakke, nakana, “He, pajaga, sallo ijakai anne bangngia? Pirang tetteppi nampa bari'basa'?”


Swiv nou:

Piblisite


Piblisite