PA'JARIANG 32:31 - KITTA' MATANGKASA'

³¹ Ri wattunna ammumbamo alloa, nabokoimi Yakub Pniel, siagang akkeppammi lanri tassalai poko' bongganna.

PA'JARIANG 32:31 Referans Kwoze

2 KORINTUS 12:7

Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.

2 KORINTUS 12:9

Mingka appialimi Batara angkana, “MangngarimangngiA' mae ri kau, naganna'mo anjo mae ri kau; nasaba' punna lammai nukasia' kalennu, iaminjo wattua napila' magassing koasaKu.” Lanri kammanami anjo nakula'bi sannang angkalompoang pa'maiki apa-apa kukalammanga; nasaba' punna lammai kusa'ring kalengku, iaminjo wattua nakukasia' pannulunNa siagang kakoasanNa Almasi mae ri nakke.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

PAMMUJI 38:17

TeaKi' balang parekangi musungku sannang ancinika' susa, teaKi' balang parekangi ke'nanga akkana borro punna ta'lengga'.

HAKING-HAKING 8:8

Napannarrusu'mi pa'jappana Gideon, sa'genna anrapi' mange ri Pnuel. Anjoreng appala' tommi kanre untu' taunna. Mingka sangkamma le'baki pappialinna taua anjoreng siagang taua ri Sukot.

PA'JARIANG 32:25

Ri wattunna naasseng kalenna anjo taua angkana talammetayai ri anjo pa'laganga, nalappassangngimi pungku'na Yakub, sa'genna tassalamo poko' bongganna Yakub.

PA'JARIANG 19:23

Sitabangi ammumba alloa ri wattu anrapi'na Lot mange ri Zoar.

PA'JARIANG 19:15

Ri wattunna subu, nipakkaro-karomi Lot ri anjo ruaya malaeka' sollanna a'lampa linta'. Nakana ke'nanga, “Akkaro-karo mako a'lampa siagang bainennu siagang anjo ruaya ana' tulolonnu, sollanna tena numate ngaseng todong punna nipanraki.”

PA'JARIANG 32:32

Sa'genna kamma-kamma anne tanakanreai turunganna Israel dageng antongkokiai poko' bongganna olo'-oloka, lanri le'ba'na nilappassangngi poko' bongganna Yakub.

1 KARAENG-KARAENG 12:25

A'jari karaennamo ri Israel, nakassakkimi Yerobeam kota Sikhem ri daera pa'monconganna Efraim, nampa ammantang anjoreng untu' sinampekang wattu. Nampa a'lampa pole battu anjoreng na nakassakki kota Pnuel.

1 KARAENG-KARAENG 18:26

Jari ammilemi ke'nanga sikayu sapi nampa napasadia. Le'baki anjo appala' doammi ke'nanga ri Baal, battu ri bari'basa' sa'genna tangngallo siagang akkiok-kio', “Baal, pilangngeri ikambe!” Nagaukammi ke'nanga nampa turus a'joge'-joge' ri tammulilina anjo tampa' koro'banna ke'nanga. Mingka tena sikali pappiali mae ri ke'nanga.

PA'JARIANG 16:13

Akkuta'nammi Hagar lalang ri pa'mai'na angkana, “Maka kucini' tojemmi Allata'ala, Ia anjampangiai kalengku?” Naaremmi anjo Batara a'bicaraya ri kalenna, “Allata'ala Manjampangia”.

KALAPPASSANG 24:10

Na nacini'mo ke'nanga Allata'alana Israel ammenteng ri se'reang tampa', kammaya nicini' dapara' laccu', gauka tanja'na sanrapang langi' coraya.

KALAPPASSANG 24:11

Sikamma anjo pamimpinna tu Israel nacini'mi Allata'ala; mingka manna nakamma tenaja nanipanraki ke'nanga. Le'baki anjo angnganremi siagang angnginummi ke'nanga.

PAOLE 5:24

Nakana ke'nanga, ‘Napappicinikammi kalompoanNa siagang kala'biranNa Karaeng Allata'alata ri wattunna nilangngere' a'bicara battu lalang ri pepeka. Anne alloa nacini'mi ikambe angkanaya nia' memang todong olona rupataua untu' tuli attallasa', manna pole nale'ba'mo a'bicara Allata'ala mae ri ia.

PAOLE 5:26

Niakka rupatau akkulle tuli attallasa' le'ba'namo nalangngere' Allata'ala mattallasaka a'bicara battu lalang ri pepeka?

HAKING-HAKING 6:22

Naassemmi Gideon angkanaya anjo battua malaeka' KalenNa Batara. Jari malla'mi Gideon nanakanamo, “Cilakama' inakke, o Batara Kaminang Mala'birika! Nasaba' assidallekamma' siagang malaekatTa!”

HAKING-HAKING 6:23

Mingka angkanami Batara mae ri ia, “Pakasannangi nyawanu! Teako mallaki. Tena nulamate.”

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”