PA'JARIANG 32:13 - KITTA' MATANGKASA'

^13-15 Le'baki a'bangngi anjoreng, naallemi sipa'gang olo'-olo'na Yakub, untu' lanahadiakang mae ri Esau. Anjo hadiaya iamintu: ruambilangngang bembe gana, ruampulo bembe laki, ruambilangngang gimbala' gana, ruampulo gimbala' laki, tallumpulo unta appasusua siagang ana'na, patampulo sapi gana, sampulo sapi laki, ruampulo keledai gana, siagang sampulo keledai laki.

PA'JARIANG 32:13 Referans Kwoze

PA'JARIANG 43:11

Jari nakanamo manggena ke'nanga, “Punna memang musti kammai, erangi wassele' kaminang bajika anrinni ri pa'rasanganga nampa nupantama' ri karunnu, nanusare hadia anjo guburnurka, iamintu: Kismis, je'ne' bani, rampa-rampa, rappo sapiri siagang rappo badang.

PANGNGEBARANG 18:16

Hadiaya anynyungkei oloang siagang angngantaraki mange ri tau malompoa.

PANGNGEBARANG 21:14

Untu' ampanaungi larro duduna taua, a'mere'-merekiko ansarei hadia.

PANGNGEBARANG 19:6

Tunggala' tau usahai angngallei pa'mai'na tau malompoa; sikontuna taua eroki a'jari agang mae ri tau nangaia assare.

PANGNGEBARANG 17:8

Nia' tau angkapangi angkana anjo doe' pammuccuka akkullei appa'jari apa appakalannasa'; lanri doe' pammuccu' yangasenna akkullei nipa'jari.

PA'JARIANG 43:26

Ri wattunna battu Yusuf mae ri balla', napassareammi ke'nanga anjo hadiaya mae ri Yusuf, nampa su'ju' ke'nanga.

1 SAMUEL 25:27

Kitarimami anne passare naeranga atanta untu' karaengku siagang ana' buana karaengku.

1 SAMUEL 25:8

Pakkuta'nangngang mami ri ke'nanga, mattantu napakkontutojenna ke'nanga anjo passalaka. Lanri kammana anjo, kuminasai nanutarima baji' ana' buaku ri balla'nu, lanri battui ikambe ri anne allo lompoa. Sare tongi anne sikamma ata-atannu siagang inakke pole Daud, agang baji'nu, apa-apa mamo situru' nakate'neanga pa'mai'nu.”

PA'JARIANG 42:6

Ia a'baluka gandung mae ri tau battua ri sikontu linoa, iamintu Yusuf; iami guburnur ri Mesir. Lanri kammana battumi sikamma daenna Yusuf nampa anynyomba ri dallekanna Yusuf.

PA'JARIANG 33:10

Nakanamo Yakub, “Teaki'! Punna sannang atinta ri nakke Daeng, kitarima laloi anne passareku. Untu' inakke punna kuciniki tanjatta sanrapangi kucini' tanja'Na Allata'ala, lanri bajitta mae ri nakke.

PA'JARIANG 18:2

Accini' nai'na, nia'mo nacini' tallu tau ammenteng ri dallekanna. Akkaro-karomi Abraham ero' mange anruppai ke'nanga. Assu'ju'mi

PA'JARIANG 33:8

Akkuta'nammi Esau angkana, “Apa ero'nu ri anjo sikamma pa'rappungang kubuntuluka sumpadeng?” Appialimi Yakub angkana, “Untu' ampakasannangi atinta Daeng.”

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 15:5

Nierammi Abram ri Batara assulukang, nampa Nakana Batara ri ia, “Ciniki langika, siagang coba sai nubilang sikamma bintoenga; lasangkammai anjo bintoenga jaina turungannu.”

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

NEHEMIA 4:13

Lanri kammana, kubage-bageimi ra'yaka pa'dang, poke, siagang pana, nampa kuatoro' tampa'na ke'nanga manuru' massing golongang bijanna ke'nanga anjoreng ri bokona temboka, iamintu tembo'-tembo' tenayapa nale'ba' nipakabaji'.