PA'JARIANG 32:10 - KITTA' MATANGKASA'

¹⁰ Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

PA'JARIANG 32:10 Referans Kwoze

PAMMUJI 18:35

Nalatia' untu' a'bundu', sa'genna akkulle kupabantang anrong pana kaminang kassaka.

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

LUKAS 17:10

Ikau kamma ngaseng tongko anjo. Punna le'ba'mo nugaukang sikamma nipassuroanga ri kau, angkana mako bawang, ‘Inakke poro palayang biasaja'; inakke poro a'matu-matukuji bawang ri jama-jamangku.’ ”

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

PAMMUJI 85:10

Tojeng, sadiai lampasalamaki tau mappilangngeria, Allata'ala malompoa lammantangi ri pa'rasanganta.

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

PAMMUJI 61:7

Poro la'bu lalo umuru'na karaenga, sa'genna attallasa' a'bija-bija.

PAMMUJI 16:2

Kukana, “IKattemi Bataraku, kate'neangku, tenamo la'biangngang naiKatte!”

PAMMUJI 8:5

apa todong rupataua, nasiratang laKiu'rangi, inai todong ke'nanga, nasiratang Kiparakai?

AYUB 17:9

Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.

AYUB 8:7

Kakalumanynyangngannu tappelaka tena anggaranna punna nipasinjai siagang apa nugappaya sallang.

PAOLE 8:18

U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

PA'JARIANG 32:7

Nalangngere'na Yakub anjo kabaraka, batami siagang sanna'mi malla'na. Nampa nabage ruamo anjo sikamma tau niaka naagang, kammayatompa gimbala'na, bembena, sapina siagang untana, nasa'la' tommi a'jari ruang pammantangngang.

PA'JARIANG 32:5

Kamma-kamma anne nia' sapiku, keledaiku, gimbalakku, bembeku, siagang tunisuroku. Akkiringa' kabara' mae ri karaengku, nakuminasai nalasannang pa'mai'na karaengku allangngereki.’ ”

PA'JARIANG 30:43

Kammaminjo na'jari sanna'mo kalumanynyanna Yakub. Jai sikalimi bembena, gimbala'na, untana, keledaina, siagang tunisuro-surona.

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 18:27

Nakanamo pole Abraham, “Kipammopporanga' lanri baraniku ansambungi anne apa nibicaraya, Batara. Inakke anne poro tulinoja' bawang, siagang tena hakku untu' appau.

2 SAMUEL 17:24

Battumi Daud mange ri kota Mahanaim ri wattunna a'limbang Absalom ri Binanga Yordan, nirurungang ri tu Israel. (

PA'JARIANG 24:12

Appala' doammi anjo suroa angkana, “O, Batara, Allata'alana karaengku Abraham, Kitulunga' sollanna akkulle kupa'jari baji' tugasakku anne alloa; baji' pa'mai' laloKi' mae ri karaengku Abraham.

PA'JARIANG 28:13

Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.

PA'JARIANG 31:3

Nakanamo Batara mae ri Yakub, “Ammotere' mako mange ri pa'rasanganna manggenu siagang sikamma bija pammanakannu. INakke lanjagaiko.”