PA'JARIANG 31:35 - KITTA' MATANGKASA'

³⁵ Nakanamo Rahel ri manggena, “Teaki' larroi Bapa', nasaba' takkullea' ammenteng anruppaiki', nasaba' battui bulangku.” Naboya baji'-baji'mi Laban anjo patunga, mingka tanabuntulai.

PA'JARIANG 31:35 Referans Kwoze

KAIMANGNGANG 19:32

Angngalikko siagang pakala'biriki tau toaya. Paralluko mappakala'biri' siagang malla' mae ri Nakke, nasaba' iNakkemi Batara.

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

1 PETRUS 3:6

Kamma tomminjo Sara, mappilangngeri mae ri Abraham siagang akkio' tuangi mae ri Abraham. Ikau kamma-kamma anne ana'-ana'na ngaseng tommaka Sara, punna nugaukang apa-apa bajika siagang tena sikali numalla'-malla' manna pole ri apa-apa mamo.

1 PETRUS 2:18

Sikamma sari'battangku a'jari palayanga, paralluko mappilangngeri baji'-baji' mae ri pinggawanu; tena namae ri ia baji' pa'maika siagang sombereka bawang, mingka mae ri ia pole sekkeka.

EFESUS 6:1

Ikau ana'-anaka! Salaku ana'-ana' gurunNa Almasi, parallui nupilangngeri tau toanu, nasaba' iaminjo siratanga nugaukang.

1 KARAENG-KARAENG 2:19

Jari a'lampami Batsyeba mange ri karaenga untu' ambicarakangi anjo passalaka untu' Adonia. Ammentemmi karaenga anruppai amma'na siagang assu'ju' mae ri ia. Nampa ammempo pole irate ri empoang kakaraenganna. Nampa nasuro taua appasadia kadera ri sa'ri kananna untu' amma'na.

KAIMANGNGANG 19:3

Sikontu taua musti napakala'biriki anrong manggena, siagang napakalompo Allo Pammari-marianga sangkamma Kuparentakanga. INakke Karaeng Allata'alanu.

KAIMANGNGANG 15:19

Punna battu bulanna se'rea baine, ra'masaki sa'genna tuju alloa. Inai-nai anseroi anjo bainea a'jari ra'masaki sa'genna labu alloa.

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:34

Ilalanna anjo le'ba'mi naalle Rahel anjo patunga nampa napantama' ri purukang pattekekanna untaya, nampa ia kalenna ammempoi rate ri anjo pattekekanga. Naparessami Laban sikontu kemana Rahel, mingka takkulleai nagappa anjo patunga.

PA'JARIANG 31:36

Jari larromi Yakub, nanakana, “Kaja'dallang apa le'ba' kugaukang? Apa salangku sa'gengku kiondang kamma' anne purina?