PA'JARIANG 31:33 - KITTA' MATANGKASA'

³³ A'lampami Laban mange ri kemana Yakub nampa naparessa. Le'baki anjo a'lampa tommi mange ri kemana Lea siagang ri kemana anjo ruaya baine suroa, mingka tanagappayai anjo patunga. Kala'busanna antama'mi ri kemana Rahel.

PA'JARIANG 31:33 Referans Kwoze

PA'JARIANG 24:67

Le'baki anjo naerammi Ishak anjo Ribka antama' ri kemana tumate Sara amma'na, nampa nanikkai Ribka. Sanna' nangaina Ishak anjo Ribka; sa'genna kasaleorammi pa'mai'na si'naya lanri tenanamo amma'na.

PA'JARIANG 24:28

Le'baki anjo, larimi anjo tuloloa mange ri balla'na amma'na nampa nacarita ngaseng sikontu anjo apa kajarianga.

PA'JARIANG 31:32

Passala' anjo patunga, punna nia' kalase'renna tau anrinni kigappa allukkaki, lanihukkung matei. Kiparessami, apaka nia' barang-baranta anrinni purina. Punna nia', kiallemi ammotere'. Nampa massing taunta akkulle a'jari sa'bi.” Tanaassengai Yakub angkana Rahel allukkaki anjo patunga.

PA'JARIANG 31:34

Ilalanna anjo le'ba'mi naalle Rahel anjo patunga nampa napantama' ri purukang pattekekanna untaya, nampa ia kalenna ammempoi rate ri anjo pattekekanga. Naparessami Laban sikontu kemana Rahel, mingka takkulleai nagappa anjo patunga.