PA'JARIANG 31:3 - KITTA' MATANGKASA'

³ Nakanamo Batara mae ri Yakub, “Ammotere' mako mange ri pa'rasanganna manggenu siagang sikamma bija pammanakannu. INakke lanjagaiko.”

PA'JARIANG 31:3 Referans Kwoze

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 32:9

Nampa appala' doammo Yakub nakana, “O, Allata'ala, Ia napakalompoa toaku Abraham, siagang manggeku Ishak, poro Kipilangngeri laloa'! IKattemi Batara assuroa' ammotere' mange ri pa'rasangangku siagang bija pammanakangku. Nampa Kijanjima' angkanaya iKatte langngatoroki sikontu-kontuna a'jari baji', untu' inakke.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PA'JARIANG 31:13

INakkemi Allata'ala le'baka ampappicinikangi KalengKu ri kau ri Betel. Anjoreng le'ba' mako assare se're batu pangngu'rangi, na nutiriki minynya' mabau' zaitun irateanna. Anjoreng tommako assumpa mae ri Nakke. Kamma-kamma anne sadia mako siagang ammotere' mako ri pa'rasangang kalassukannu.’ ”

PA'JARIANG 21:22

Anjo wattua nia'mi battu Karaeng Abimelekh siagang Pikhol, panglima tantarana, nampa nakana ri Abraham, “Le'ba' mako Natulung Allata'ala ilalang sikontu apa nugaukanga.

PAMMUJI 46:1

Pammujina golongang Korah. Untu' pamimpin pakelong. Lagu Alamot.

PA'JARIANG 35:1

Ri se'reang allo Nakanamo Allata'ala ri Yakub, “INakkemi Allata'ala le'baka ampappicinikangi KalengKu mae ri kau ri wattunnu lari battu ri daennu Esau. A'lampamako mange ri Betel. Ammantang mako anjoreng, siagang ambangung mako tampa' pakkoro'bangngang untu' iNakke.”

PA'JARIANG 30:25

Le'ba'na nalassukang Rahel anjo Yusuf, nakanamo Yakub ri Laban, “Kellaima' a'lampa ammotere' mange ri pa'rasangangku.

PA'JARIANG 28:13

Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.

PA'JARIANG 28:4

Poro Nabarakkakiko Batara siagang turungannu, sangkamma le'ba'na Nabarakkaki Abraham. Kammayatompa poro nukammai anne butta nupammantangngia, le'baka Napassareang Allata'ala mae ri Abraham!”

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 13:15

Sikontu anjo butta nucinika laKupassareangi mae ri kau siagang mae ri sossorannu, sollanna nukammai satunggu-tungguna.

PAMMUJI 90:15

Kisarei kate'neang ikambe sangkamma jaina pa'risika ia le'baka nakasia' lalang taung-taung ballasa'na ikambe.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

PA'JARIANG 31:2

Nacini' tommi Yakub angkana tenamo nasangkamma riolo baji'na Laban mae ri kalenna.

PA'JARIANG 31:4

Le'baki anjo nasuromi Yakub taua ampauangi Rahel siagang Lea sollanna battu angngagangi sicini' ri paranga, ri tampa' pangnganreanna bembena siagang gimbala'na.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

PA'JARIANG 32:5

Kamma-kamma anne nia' sapiku, keledaiku, gimbalakku, bembeku, siagang tunisuroku. Akkiringa' kabara' mae ri karaengku, nakuminasai nalasannang pa'mai'na karaengku allangngereki.’ ”

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.