PA'JARIANG 31:24 - KITTA' MATANGKASA'

²⁴ Ri wattunna bangngi battumi Allata'ala mae ri Laban lalang so'na, na Nakana, “Tutuko, tea' laloko garattaki Yakub manna sibuku kana.”

PA'JARIANG 31:24 Referans Kwoze

PA'JARIANG 24:50

Appialimi Laban siagang Betuel angkana, “Lanri anne apa kajarianga battui ri Batara, tena nasiratang ikambe antappuki.

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

PA'JARIANG 31:29

Gannaki kagassingangku untu' a'gau' ja'dala' ri kau punna erokka'. Mingka ri bangngia niaki Allata'ala napakalompoa manggenu ampakaingaka' sollanna tena sikali kugarattakko.

PAMMILANGNGANG 24:13

manna pole kisareang ngasenga' sikontu peraka siagang bulaeng niaka lalang ri balla' kakaraenganta, talakkullei kudakkai parentaNa Batara siagang anggaukangi apa nangaia pa'maikku? Iaji bawang lakupau apa Nasuro paua Batara ri nakke.”

PA'JARIANG 31:42

Ebara' angkana tena Najagaia' Allata'alana boeku, iamintu Allata'ala napakalompoa Abraham siagang Ishak, ma'nassa salloma' le'ba' kisuro a'lampa tanggappaya apa-apa. Mingka Naparhatikangi Allata'ala kasusaangku siagang jama-jamang le'baka kugaukang, nampa ri bangngia le'ba'mi Napassareang apa Napattantua.”

MATIUS 27:19

Ri wattunna ammempo Pilatus anjoreng ri kantoro' pangadelanga nia'mi battu pappasanna bainenna angkana, “Tea' laloko pantama'-tamakki kara-karana antu tau tenaya salana. Nasaba' lanri Iami nakunggappa so'na appakamalla'-malla' dudua, anne alloa.”

2 SAMUEL 13:22

Naboli'-boli'mi larro duduna Absalom mae ri Amnon siagang taerokami angngagangi akkana lanri le'ba'na nagau' sala andi'na iamintu Tamar.

MATIUS 1:20

Mingka lalang nanawa-nawana Yusuf eroka a'lampa, asso'nami ri wattunna tinro. Lalang asso'nana, nia'mo nacini' sitau malaeka'Na Batara battu mae ri ia angkana, “E, Yusuf, sossoranna Daud, teako mallakki a'nikka siagang Maria; nasaba' anjo ana' natiananganga, pa'jari battu ri gau' makoasaNa RohNa Allata'ala.

HOSEA 12:12

mingka manna nakamma tuli nia'na ija anynyomba barhala ri Gilead, kammayatompa assare koro'bang sapi irate ri tampa' pakkoro'bangnganga ri Gilgal. Mingka anjo ke'nanga anynyombaya ri anjo barhalaya lamatei, siagang anjo tampa'-tampa' pakkoro'bangnganga ri Gilgal la'jari tambungang batui ri koko-kokoa.”

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

AYUB 33:25

La'jari sanna' kassa'na kalenna akkamale kamma tau rungka.

1 KARAENG-KARAENG 3:5

Anjo bangngia napappicinikangi KalenNa Batara mae ri ia lalang so'na siagang nakana, “Salomo, pala'mi apa nukaerokia, nampa Kusareangko anjo apa nupalaka!”

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.

PAMMILANGNGANG 22:26

Nampa a'lette'mo anjo malaeka'Na Batara, ammenteng ri tampa' la'bi seppaka sa'genna tenamo agang akkulle niolo ri kairinna yareka ri kananna.

PAMMILANGNGANG 22:20

Anjo bangngia battumi Allata'ala mae ri Bileam na Nakana, “Battui anjo sikamma taua ampalaki sollannu ero' a'lampa siagang ke'nanga. Jari apparuru mako untu' a'lampa. Mingka iaji bawang akkulle nugaukang apa Kuparentakanga mae ri kau.”

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

PA'JARIANG 41:1

Allaloi ruan taung, asso'nami karaeng Mesir. Asso'nai ammenteng ri birinna Binanga Nil.

PA'JARIANG 40:5

Ri se'reang bangngi, massing asso'nami anjo pangngurusu' inunganga siagang pangngurusu' rotia.

PA'JARIANG 31:10

Na ri wattu a'lakina anjo olo'-oloka, asso'nama' nakucini' sikontu bembe laki sitabanga a'laki, a'buriki kalenna, a'batti'-battiki, siagang a'ballangi.

PA'JARIANG 28:5

Kammaminjo nanalappassammo Ishak anjo Yakub a'lampa mange ri Mesopotamia, mange ri Laban, ana'na Betuel anjo tu Aram. Anjo Laban iamintu daenna Ribka, amma'na Yakub siagang Esau.

MATIUS 2:12

Ri lammotere'na ke'nanga, nipauammi ri Allata'ala lalang so'na, sollanna tea ammoteri ke'nanga mange ri Herodes. Jari oloang maraemmi naolo ke'nanga ammotere' mange ri pa'rasanganna.

PA'JARIANG 20:6

Appialimi Allata'ala lalang anjo so'naya angkana, “Memang Kuassengi angkanaya matangkasaki ati mailalannu anggaukangi anne. Iaminjo saba'na nataKukellayako a'gau' dosa mae ri Nakke, siagang taKupa'biangako anseroi anjo bainea.

PA'JARIANG 31:7

Mingka manna nakamma kammaji naballe-balleiku siagang napinrai sa'genna pissampulo gajiku. Mingka tena nilappassangi ri Allata'ala a'gau' ja'dala' mae ri nakke.

PA'JARIANG 31:11

Siagang nia'mi Allata'ala a'rupa malaeka' a'bicara ri nakke lalang anjo so'naku, angkana, ‘Yakub!’ Appialima' angkana, ‘Iye'’.

PA'JARIANG 31:23

Napa'rappungammi sikamma taunna Laban, nampa a'lampa siagang ke'nanga mange angngondangi Yakub. Tuju allo sallona nampa akkulle narapi' ke'nanga ri daera Moncong Gilead.

PA'JARIANG 31:25

Anjo wattua le'ba'mi nabangung kemana Yakub ri se'reang bulu'. Nampa ri se'reang bulu' maraeng ri anjo todong daeraya nabangung tommi kemana Laban siagang taunna.