PA'JARIANG 30:8 - KITTA' MATANGKASA'

⁸ Nakanamo Rahel, “Usahama' sipakkulle-kulleku angngewai daengku, nakuammetamo.” Jari naaremmi anjo anaka Naftali.

PA'JARIANG 30:8 Referans Kwoze

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

PA'JARIANG 49:21

Naftali, sanrapang jonga lappasa', ga'ga sikalia ana'-ana'na.

1 SAMUEL 14:15

Passabakkang ia anjo kajarianga, gegere'mi tu Filistin ri kemana siagang ri sikamma paranga. Sikontu ra'ya' Filistin kammaya niaka ri balla'-balla' jagaya, siagang pa'rappungang paellaka a'jari malla' ngasemmi; ba'lalo kamma ta'ge'goso'mi buttaya, siagang sanna'mi siricu-ricuinna ke'nanga.

PAOLE 33:23

Ri sesena suku Naftali nakana: “Naftali nipilumpai barakka' pangngamaseang ri Batara; daerana battu ri Tamparang Galilea sa'genna timboro'.”

KALAPPASSANG 9:28

Appala' doang mako mae ri Batara; ganna'mi kasessanna ikambe lanri anne gunturuka siagang bosi eska. Lakulappassang mako a'lampa. Tea' mako ammantangngi pole anrinni.”

PA'JARIANG 46:24

Naftali; naia ana'-ana'na Naftali iamintu: Yahzeel, Guni, Yezer, siagang Syilem.

PA'JARIANG 35:25

Ana'-ana' battua ri Bilha, surona Rahel, iamintu Dan siagang Naftali.

PA'JARIANG 23:6

“Ikambe anne nipakalompoki' lanri ikattemi sitau pamimping makassaka ri alla'na ikambe. Jari kitarawammi bainenta ilalang ri pa'jerakkang kaminang bajika ia napatanga ikambe. Ikambe anne sannang ngasengi pa'maitta ansadiakangi pa'jerakkanna bainenta.”

PA'JARIANG 30:7

Attianammi pole Bilha nampa allassukang sitau ana' bura'ne.

PA'JARIANG 30:9

Naassennamo kalenna Lea angkanaya takkulleami anggappa pole ana', napassareammi surona iamintu Zilpa, mae ri Yakub untu' a'jari bainenna.