PA'JARIANG 30:43 - KITTA' MATANGKASA'

⁴³ Kammaminjo na'jari sanna'mo kalumanynyanna Yakub. Jai sikalimi bembena, gimbala'na, untana, keledaina, siagang tunisuro-surona.

PA'JARIANG 30:43 Referans Kwoze

PA'JARIANG 30:30

Ri tenanapa kubattu tena nasiapa barang-baranta, mingka kamma-kamma anne kalumanynyang maki' purina. Nabarakkaki maki' Batara lanri inakke. Kamma-kamma anne narapi'mi wattunna sollangku anjama untu' kalenna kaluargaku.”

PA'JARIANG 24:35

Sanna' nibarakkakinna karaengku ri Batara, siagang nipa'jarimi sanna' kalumanynyanna. Nisaremi ri Batara sanna' jaina gimbala', bembe, sapi, unta, keledai, kammayatompa pera', bulaeng, siagang pole suro-suro bura'ne siagang baine.

PA'JARIANG 13:2

A'jari kalumanynyang sikalimi Abram; jaimi gimbala'na, bembena, sapina, kammayatompa jaimi pera'na siagang bulaenna.

KATO'BA 2:7

Jai atangku, baji' nakuballia, kammayatompa ia lassuka lalang ballakku. Olo'-olo' piaraku bella jaina na olo'-olo' piarana sikontu tau le'baka ammantang ri Yerusalem.

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

PA'JARIANG 32:10

Tena kusiratang langgappai pangngamaseanTa siagang tamamminraTa ri pa'mai' ia le'baka Kipa'butti mae ri nakke. Ri wattungku a'lampa allimbangi Binanga Yordan, tena apa-apa kuerang pantaranganna takkang. Kamma-kamma anne battuma' ammotere' lalang anne ruaya pammantangngang.

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 12:16

Na lanri anjo Sarai, niada' baji'-baji'mi Abram ri karaenga siagang nisaremi siapa are ata, kammayatompa siapa are jaina gimbala' siagang bembe, sapi, keledai siagang unta.

YEHEZKIEL 39:10

Jari taparalluami ke'nanga appasse're kayu tunuang ri kokoa yareka anna'bang poko' kayu ri romanga, nasaba' sikontu anjo sanjata nibokoia sukku' jaina untu' nipare' kayu tunuang. Lanaellaki siagang lanarampasaki barang-baranna sikamma tau le'baka angngellaki siagang anrampasaki barang-baranna ke'nanga. INakke, Batara Kaminang Tinggia, anne akkana.”

PA'JARIANG 31:42

Ebara' angkana tena Najagaia' Allata'alana boeku, iamintu Allata'ala napakalompoa Abraham siagang Ishak, ma'nassa salloma' le'ba' kisuro a'lampa tanggappaya apa-apa. Mingka Naparhatikangi Allata'ala kasusaangku siagang jama-jamang le'baka kugaukang, nampa ri bangngia le'ba'mi Napassareang apa Napattantua.”

PA'JARIANG 36:7

Assibokoimi Esau siagang Yakub lanri jai duduna barang-baranna ke'nanga, siagang takkulleai ke'nanga attallasa' sirurungang. Nampa pole anjo pa'rasangang napammantangngia ke'nanga tanggannakai ruku' lanakanrea olo'-olo'na ke'nanga lanri jai duduna.

LUKAS 12:45

Mingka punna nakana lalang ri pa'mai'na anjo palayanga, ‘Salloinji nampa ammotere' karaengku,’ nampa appakkaramulamo naba'ji ngaseng palayanga siagang angnganre-nganremi nangnginunga tojeng sa'genna nasa'ring.

PA'JARIANG 30:42

Mingka tena napadongkoki anjo tangke-tangke kayua ri dallekanna olo'-olo' lammaya. Jari, sikontu anjo olo'-olo' keboka lammai, nampa iaminjo olo'-olo'na Laban. Na ia sikontu olo'-olo' le'lenga, a'ballanga siagang a'batti'-battika gassing ngasengi, nampa iaminjo Yakub pata.

PA'JARIANG 31:1

Nalangngere'mi Yakub akkana kamma anne ana'-ana'na Laban, “Naallemi Yakub sikamma pa'barang-baranganna bapatta. Yangasenna anjo kakalumanynyanganna sangnging barang-barang battu ri bapatta.”

PA'JARIANG 32:5

Kamma-kamma anne nia' sapiku, keledaiku, gimbalakku, bembeku, siagang tunisuroku. Akkiringa' kabara' mae ri karaengku, nakuminasai nalasannang pa'mai'na karaengku allangngereki.’ ”