PA'JARIANG 30:27 - KITTA' MATANGKASA'

²⁷ Nakanamo Laban ri ia, “Pilangngeri rolong. Anggappa' pakkasia' angkanaya nibarakkakia' ri Batara lanri ikau.

PA'JARIANG 30:27 Referans Kwoze

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.

YESAYA 61:9

Jari-jarinu lamasahoroki ri kere-keremae, a'la'bangi niasseng ri alla'na sikontu bansaya. Na sikontu tau ancinikai lanamangakui, angkanaya Kubarakkaki anne bansaya.”

RUT 2:13

Appialimi Rut angkana, “Teai sipato' bajitta mae ri nakke Bapa', manna natena kusangkamma siagang pajama-jamata. Anjo somberetta teai sipato' nasaleorinna atingku.”

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

KALAPPASSANG 3:21

LaKupagioki pa'mai'na tu Mesir sa'genna lammoro' pa'mai' mae ri kau ngaseng; sa'genna ri wattunna a'lampa ummakKu, tena nala'lampa kosong limanna.

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

PA'JARIANG 47:25

Appialimi ke'nanga angkana, “Kipasalama'mi anne ikambe karaeng. Appala' sukkuru'mi ikambe. Rellami anne ikambe a'jari atanna karaenga.”

PA'JARIANG 33:15

Nakanamo Esau, “Baji'mi punna kamma. Lakuboliki siapa are jaina ana' buaku nania' nuagang.” Mingka appialimi Yakub angkana, “Tea' maki' susa-susai, ero'naji kupakasannang atinta.”

PA'JARIANG 30:30

Ri tenanapa kubattu tena nasiapa barang-baranta, mingka kamma-kamma anne kalumanynyang maki' purina. Nabarakkaki maki' Batara lanri inakke. Kamma-kamma anne narapi'mi wattunna sollangku anjama untu' kalenna kaluargaku.”

PA'JARIANG 18:3

na nakana, “O Karaeng-karaeng, teaki' lalloi anne kemaku punna tena nakissengka rolong. Kipa'biang laloa' allayaniki'.

1 KARAENG-KARAENG 11:19

Jari a'jarimi Hadad agang baji'na karaenga, sa'genna napassareammi ipara' kalenna karaenga, iamintu andi'na Tahpenes bainenna karaenga, mae ri Hadad untu' a'jari bainenna.

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

PA'JARIANG 34:11

Nampa nakana Sikhem ri manggena Dina siagang sikamma sari'battanna, “Kitarimami anne pappalakku. Manna apa kipala' lakusareki' punna erokki'.

YESAYA 65:8

Nakana Batara, “Rappo anggoro' niaka ija je'ne'na tena nanipelaki, mingka nipa'jari je'ne' anggoro'. Kamma tomminjo bansaKu, tena nalanipanraki ngaseng, saba' nia' ija ri ke'nanga anynyomba mae ri Nakke.

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

NEHEMIA 2:5

nampa kukana ri karaenga, “Punna kikaerokang karaeng, nakiero' anturukianga' pappalakku, kisuroma' mange ri butta Yehuda untu' ambangungi ammotere' kota tampa' pa'jerakkanna boe-boena atanta.”

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

1 SAMUEL 16:22

Nampa akkiring Saul pasang mae ri Isai angkana, “Kungai Daud. Pa'biammi ammantang tulusu' anrinni na'jari palayangku.”

PAMMILANGNGANG 11:11

Jari angkanami ri Batara, “Angngapa Kisusai kamma' anne? Maka tena naKisannang mae ri nakke? Angngapa naKipassareang anne sikontu taua anjari tanggong jawakku?

PA'JARIANG 44:5

Angngapa nanulukkaki cangkiri' pera'na karaengku? Anjo cangkirika napakei untu' angnginung siagang untu' appacini'. Kaja'dallang lompo anne nugaukang ngaseng!’ ”

2 SAMUEL 6:11

Tallum bulangi sallona ammantang anjoreng anjo Patti Parjanjianga, na nibarakkakimo Obed-Edom siagang kaluargana ri Batara.