PA'JARIANG 30:14 - KITTA' MATANGKASA'

¹⁴ Ri wattu pakkattoang gandung, a'lampai Ruben mae ri paranga, nanggappamo sirupa ruku' akkullea nipare' pa'balle, nampa naerammo anjo mae ri amma'na, Lea. Nakanamo Rahel ri Lea, “Sare tonga' sike'de' anjo ruku' pa'balle nagappaya ana'nu.”

PA'JARIANG 30:14 Referans Kwoze

KELONG MALA'BIRI' 7:13

Aka' poko' kayu mabau' rasanna, ri ampi' pakke'butta nia' rappo-rappo kayu nyamang, salloamo siagang berua le'ba' niallena; kuboliki anjo untu' ikau, tanringku.

PA'JARIANG 25:30

Nakanamo ri Yakub, “Teai sipato' cipurukku. Saresa' sike'de' anjo campe' ejaya.” (Iaminjo saba'na naniareng Edom.)

PA'JARIANG 30:15

Appialimi Lea angkana, “Tanggannakapika nuallena bura'nengku? Kamma-kamma anne ba'lalo erokko pole angngallei ruku' pa'balle nagappaya anakku.” Nakanamo Rahel, “Punna nusarea' anjo ruku' pa'ballena ana'nu, akkulleko sikatinroang siagang Yakub anne bangngia.”

PA'JARIANG 30:16

Ammotere'na Yakub ri balla' anjo karuenga, niruppaimi ri Lea na nakana, “Inakke nuagang assikatinroang anne bangngia, lanri le'ba'mi kubayara' anjo siagang ruku' pa'ballena anakku.” Jari assikatinroammi Yakub siagang ia anjo bangngia.