PA'JARIANG 30:1 - KITTA' MATANGKASA'

¹ Mingka Rahel tena memampa nanggappa ana'. Lanri kammana angngiri matami ri daenna. Nampa nakanamo ri Yakub, “Sarema' ana'. Punna tena lamatea' kusa'ring.”

PA'JARIANG 30:1 Referans Kwoze

AYUB 5:2

Tau toloaji bawang matea lanri pa'risi' nyawana.

PA'JARIANG 29:31

Nacini'na Batara angkana tena ningai dudui Lea sangkamma Rahel, nisaremi pangngellai sa'genna ammana' Lea, mingka Rahel tuli tenana ana'na.

PA'JARIANG 37:11

Sikamma daenna Yusuf angngiri mata ngasemmi. Mingka ia manggena, tuli nanawa-nawami anjo so'naya.

2 KORINTUS 7:10

Nasaba' anjo si'na kammaya akkullei appa'nia' katobakkang siagang kasalamakkang; kammayatompa tena nala'jari sesse' lalang taua lanri passabakkang anne passalaka. Mingka punna si'na passabakkang anne linoa, lanaerangi taua mange ri kamateanga.

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

YAKOBUS 3:14

Mingka punna pakimburuko, punna pa'risi' pa'mai'nu, siagang punna kaparalluang kalennu bawang nuondang, tea' mako pattampo-tampoangi anjo kacara'dekannu, nasaba' punna kamma anjo nuputara'-bale'mi biritta katojengang battua ri Allata'ala.

1 KORINTUS 3:3

nasaba' mannuruki ijako ri cara sipa'-sipa' rupataua lalang ri katallassannu. Nasaba' punna massing sikimburu ijako siagang masarro ijako assiba'ji para ikau, sai iami anjo buttina ma'nassanu mannuruki ijako ri cara sipa'-sipa' tau tenaya natappa' ri Allata'ala lalang ri katallassannu?

PANGNGEBARANG 14:30

Pa'mai' sannanga napakabajiki tubua; angngiri mataya sanrapangi garring kamateanga.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

GALATIA 5:21

kammayatompa assereatia, painunga sa'genna nasa'ring, assua'-suara' appala'busuka apa-apa, na maraengannaya. Yangasennami anjo kupakaingakkangko kamma-kamma anne; sangkamma todong kupakainga'nu pirangalloang, angkanaya anjo tau a'gau' kammaya takkulleai a'jari anggota Umma'Na Allata'ala.

YOHANES 4:3

Ri wattunna Naasseng Isa angkanaya nalangngere'mi tu Farisia anjo passalaka, a'lampami battu ri Yudea mange ri Galilea.

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

PAMMUJI 106:16

Angngiri matai ri Musa ke'nanga ri parang lompoa siagang mae ri Harun ata matangkasa'Na.

AYUB 13:19

O, Batara, punna battuKi' siagang Kitudua', la'merekia' siagang kutayangi a'jalakku.

AYUB 3:11

Angngapa kutamatea lalang ri battanna ammakku, yareka tappu' nyawaku ri wattungku nilassukang?

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

PAMMILANGNGANG 11:29

Appialimi Musa angkana, “Angngapa na inakke nunawa-nawa? Ba'lalo kuminasai inakke sollanna Napassareang RohNa mae ri sikontu bansaNa, siagang Napa'jari na'bi ngaseng ke'nanga!”

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

PANGNGEBARANG 30:16

linona tau matea, baine tenaya nale'ba' allassukang, butta kalotoro' turerea ri bosi, na pepe' a'lepaka mange-mange.