PA'JARIANG 3:6 - KITTA' MATANGKASA'

⁶ Naciniki anjo bainea angkanaya antekamma ga'gana anjo poko' kayua, siagang nyamangi nikanre rapponna. Na napikkiriki angkanaya teai sipato' baji'na punna a'jari bajiki pangngassenganna. Jari naallemi rapponna anjo poko' kayua, nampa nakanre. Nampa nasare todong bura'nenna, na nakanre todong bura'nenna.

PA'JARIANG 3:6 Referans Kwoze

1 YOHANES 2:16

Sikontu apa-apa niaka ilalang ri anne linoa, iamintu sikontu apa-apa nakaerokia sipa'-sipa' ma'rupatauna tau dorakaya, sikontu apa-apa nicinika siagang eroka nikammai, siagang sikamma apa-apa akkullea nikalompoang pa'mai' ri anne linoa, yangasenna anjo teai Allata'ala Manggea assala'na: passangalinna battu ri linoa assala'na.

1 TIMOTIUS 2:14

Siagang teai Adam, passangalinna baineaji nitipu, sa'genna nadakkai parentaNa Allata'ala.

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

YOSUA 7:21

Ri alla'na barang-barang niallea, nia' kucini' juba sanna' ga'gana, pare' Babilonia, pera' kira-kira nia' rua kilo battala'na, siagang bulaeng sipolong kira-kira la'bi sitangnga kilo battala'na. Ero' dudua' ri anjo barang-baranga, jari kuallemi siagang kucokkoi lalang ri buttaya ri kemaku; rawa dudui pera'na kuboli'.”

HOSEA 6:7

Mingka sangkamma Adam, nudakkai janjinnu mae ri Nakke.

PA'JARIANG 6:2

nicini'mi ri sikamma rewataya angkanaya ga'ga-ga'ga ngasengi anjo tuloloa. Jari nabuntingimi ke'nanga anjo tulolo massing nangaia ke'nanga.

YEHEZKIEL 24:25

Nakana Batara ri nakke, “Jari, he tau, laKuallei battu ri ke'nanga anjo BallakKu kassaka, a'jaria kalompoang pa'mai'na siagang kasannangnganna ke'nanga, siagang nangaia naciniki siagang nakunjungi. Nampa laKualle todong ana'-ana'na ke'nanga.

YEHEZKIEL 24:16

“He tau, ti'ring laKualle silalonnai tau kaminang nukamaseanga. Mingka takkulleako appiraung siagang angngarru', yareka nulappassang assolong je'ne' matannu.

MATIUS 5:28

Mingka anne kamma Kukana ri kau ngaseng: Inai-nai accini' baine nabattumo cinnana a'gau' salimara', a'gau' salimara'mi siagang anjo bainea ilalang ri nyawana.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

PA'JARIANG 39:7

Siapa are allo ribokoanganna, appakkaramulami battu ero'na bainenna Potifar angngagangi assikatinroang Yusuf. Nakio'mi anjo turungkaya mae assikatinroang siagang ia.

PA'JARIANG 3:17

Nampa Nakana Karaeng Allata'ala mae ri anjo bura'nea, “Nupilangngeri kana-kananna bainennu nampa nukanre anjo rappo kayu le'baka Kupappisangkang angkana teako kanrei. Lanri anjo panggaukannu, nitunraimi buttaya. Musti anjama terasakko lalang sikontu tallasa'nu nanampa akkulle assare wassele' ganna' anne buttaya untu' kanrenu.

PA'JARIANG 3:12

Appialimi anjo bura'nea angkana, “Anjo baine Kipassareanga angngaganga' ansarea' anjo rappoa, sa'genna kukanre.”

AYUB 31:1

“Le'ba'ma' assumpa siagang janji talaniakkami cinnaku anciniki tau loloa.

HAKING-HAKING 14:17

Lalanna tuju allo passua'-suarranga tuli angngarru'na bainenna Simson. Na lanri tuli angngarru'na ero' nipauang, ri maka tujuna allona nipauammi ri Simson battuanna anjo tappu-tappuanga. Nampa nakanamo bainenna Simson battuanna anjo tappu-tappuanga mae ri tu Filistin.

1 KARAENG-KARAENG 13:19

Jari amminawammi anjo na'bi battua ri Yehuda mae ri balla'na anjo na'bi toaya nampa angnganre siagang ia.