PA'JARIANG 3:19 - KITTA' MATANGKASA'

¹⁹ Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

PA'JARIANG 3:19 Referans Kwoze

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

AYUB 34:15

mate ngasemmi sikontu apa a'nyawaya, na'jari limbu'bu'mo taua ammotere' kamma ri assala'na.

PAMMUJI 104:29

Punna a'gilingKi', mallaki ke'nanga; punna Kialle nappasa'na ke'nanga, possoki, nampa ammotere' a'jari limbu'bu' butta sangkamma riolo.

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

PAMMUJI 90:3

Kisuroi rupataua ammotere' mange ri assala'na, a'jari limbu'bu' butta sangkamma riolo.

EFESUS 4:28

Tau biasaya a'lukka' musti napammarimi a'lukkaka. Nampa musti anjamami sollanna nagappa pattallasanna siagang lambusu'; siagang nakkulle nutulung tau kakuranganga.

KATO'BA 3:20

Sangkammaji tampa' lanatujua ke'nanga. Assala'na ke'nanga iamintu limbu'bu siagang lammotereki mae ri limbu'buka.

PA'JARIANG 18:27

Nakanamo pole Abraham, “Kipammopporanga' lanri baraniku ansambungi anne apa nibicaraya, Batara. Inakke anne poro tulinoja' bawang, siagang tena hakku untu' appau.

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

KATO'BA 1:3

Anjamaya tojengki' lalang tallasatta, ammatti'-matti' songotta. Mingka, apa nigappa akkullea nikalompoang pa'mai'?

PAMMUJI 22:15

Tenamo kagassingangku sanrapang je'ne' tattumpaya, sikontu bukungku sangkamma ta'lappasa' ngasemmi ri lesoanna, assolommi atingku sanrapang liling.

PA'JARIANG 23:4

“Inakke anne tubattu-battuja' ammantang ri tangnga-tangngata ngaseng; kisarea' pangngellai untu' ammalli siapa are luara'na butta sollanna akkulle kutarawang bainengku.”

2 TESALONIKA 3:10

Ri wattunna nia' ija ikambe ri tangnga-tangnganu ngaseng, napabattumi ikambe anne paratoranga angkanaya, “Tau tenaya naero' anjama, teako sarei kanre.”

PAMMUJI 103:14

Saba' Naassengi Batara angkana battu ri apaki' nipa'jari, Nau'rangi angkana poro limbu'bu' buttajaki' bawang.

1 TESALONIKA 2:9

Tantu nuu'rangi ngasengiji antekamma terasa'na usaha siagang barjuang ikambe. Allo bangngi anjama ikambe sollanna tena manna sitau ri kau nisusai ri kambe, ri wattunna napa'la'bang ikambe anjo Kabara' Baji' battua ri Allata'ala mae ri kau.

KATO'BA 5:15

Anjo kammaya teai sipato' appakasi'nana! A'lampaki' sangkamma ri wattunta battu. Nimangngangngi kalenta untu' angngondang anging, nampa apa wassele'na?

KATO'BA 1:13

Attojeng-tojenga' ero' ansalidiki siagang ampappilajari siagang baji' sikontu apa kajarianga ri anne linoa. Sare le'baka Napasadia Allata'ala untu' ikatte teai sipato' appakasi'nana pa'mai'.

PANGNGEBARANG 21:16

Tau tamannurukia ri bate tallasa'na tau bajika akkala'na, mattantu labattui mange ri linona tau matea.

PAMMUJI 22:29

Nasaba' Batarayami makoasa, Ia ammarenta mae ri bansa-bansaya.

AYUB 21:26

Mingka ri jeraka, para anra'bai ke'nanga; nikatulung ri olo' siagang gallang-gallang.

AYUB 19:26

Manna bokka'-bokka' siagang reppe'-reppe' bukkulengku, mingka lalang nia'na ija tubuku, laccinika' mae ri Allata'ala.

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

1 KORINTUS 15:47

Adam rioloa butta nipa'jari, mingka Adam makaruaya battu ri suruga assala'na.

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

PA'JARIANG 3:18

Romang-romang siagang ruku'-ruku' akkatinting lanapatimboangko anne buttaya, siagang lamung-lamung tanilamung la'jari kanrenu.

AYUB 4:19

La'bipa apa attallasa' nipareka battu ri butta pi', limbu'buka nipare', akkullea niti'rasa' rapang alitana!

PAMMUJI 104:23

Nampa assulu'mo rupataua untu' anggaukangi jama-jamanna, nanjama tulusu' sa'genna karueng.

PAMMUJI 127:2

Tena matu-matunna anjama battalaka a'boya dalle', ambangung bari'basa' siagang attinro lantang bangngi; saba' Napasadiai Batara untu' tau Nakamaseanga, lalang attinrona ke'nanga.

PA'JARIANG 5:5

Narapiki 930 taung umuru'na nampa mate.

AYUB 10:9

Kiu'rangi angkana battu ri butta pi' nakiparekka'! Masa' laKipa'jari limbu'buka' ammotere'?