PA'JARIANG 3:17 - KITTA' MATANGKASA'

¹⁷ Nampa Nakana Karaeng Allata'ala mae ri anjo bura'nea, “Nupilangngeri kana-kananna bainennu nampa nukanre anjo rappo kayu le'baka Kupappisangkang angkana teako kanrei. Lanri anjo panggaukannu, nitunraimi buttaya. Musti anjama terasakko lalang sikontu tallasa'nu nanampa akkulle assare wassele' ganna' anne buttaya untu' kanrenu.

PA'JARIANG 3:17 Referans Kwoze

PA'JARIANG 5:29

Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

PAMMUJI 127:2

Tena matu-matunna anjama battalaka a'boya dalle', ambangung bari'basa' siagang attinro lantang bangngi; saba' Napasadiai Batara untu' tau Nakamaseanga, lalang attinrona ke'nanga.

KATO'BA 5:17

Jari kupahammi angkanaya ia kaminang bajika mae ri katte iamintu angnganre, angnginung, siagang nipikasiakki wassele' jama-jamanta lalang katallassang sinampe' Napassareanga Allata'ala mae ri katte; iami anjo sarenta.

AYUB 14:1

Battu ri lassu'na anjo taua lamma memangi, tena kullena; sinampe'ji attallasa' siagang rassi pa'risi' tallasa'na.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

AYUB 21:17

Le'bakkai nibuno kanjolina tau ja'dalaka, siagang nituju ri bala siagang kacilakang? Le'bakkai Allata'ala larro mae ri ke'nanga, sa'genna nihukkung ke'nanga?

LUKAS 19:22

Nakanamo anjo karaenga ri anjo taua, ‘Ikau palayang ja'dalakko! Lanri kana-kanannu tonji nalakuhukkungko. Nuassengi angkanaya inakke tau sekkekka': kuallei apa-apa tenaya nainakke pata, siagang kuallei wassele'na tampa' tenaya nainakke pata tampa'.

MATIUS 25:45

Lappialimi anjo Karaenga Nakana, ‘Asseng laloi anne: ri wattunnu taeroka antulungi kalase'renna anne tau kaminang tunaya, lalang kammana minjo nutaeroka antulungA'.’

KATO'BA 2:17

Lanri kammana, anjo tallasaka tena anggaranna mae ri nakke, tena maraeng. Yangasenna sia-siaji bawang; poro angngondangkuji bawang anging.

KATO'BA 2:11

Mingka ri boko kupilajari sikontu bate parekku, kammayatompa sikontu kaposoangku untu' ampa'le'baki anjo apa kupareka, kuassemmi angkanaya yangasenna anjo tena anggaranna. Anjo usahaku poro sia-siaji bawang, sanrapang tau angngondanga anging.

PA'JARIANG 3:11

Akkuta'nammi Allata'ala angkana, “Inai angkana ri kau angkana assolarakko? Apaka nukanrei anjo rappo kayu Kupappisangkanga angkana teako kanrei?”

PA'JARIANG 3:6

Naciniki anjo bainea angkanaya antekamma ga'gana anjo poko' kayua, siagang nyamangi nikanre rapponna. Na napikkiriki angkanaya teai sipato' baji'na punna a'jari bajiki pangngassenganna. Jari naallemi rapponna anjo poko' kayua, nampa nakanre. Nampa nasare todong bura'nenna, na nakanre todong bura'nenna.

MATIUS 22:12

Akkuta'nammi ri anjo taua nakana, ‘E, gang, antekamma nukkulle antama' anrinni natena nummake pakeang passua'-suarrang?’ Tanaassengami appiali anjo taua.

IBRANI 6:8

Mingka punna rea siagang ruku'-ruku' akkatinting wassele'na anjo buttaya, tenamo matu-matunna anjo buttaya siagang lanitunrai sallang ri Allata'ala nampa ri kala'busanna lanitunui sa'genna la'busu'.

PA'JARIANG 3:18

Romang-romang siagang ruku'-ruku' akkatinting lanapatimboangko anne buttaya, siagang lamung-lamung tanilamung la'jari kanrenu.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.