PA'JARIANG 3:10 - KITTA' MATANGKASA'

¹⁰ Appialimi anjo bura'nea angkana, “KulangngerekKi' nia' ri kokoa. Mallaka' nakuaccokko lanri assolarakka'.”

PA'JARIANG 3:10 Referans Kwoze

PA'JARIANG 2:25

Assolaraki anjo bura'nea siagang bainea, mingka tena nasiri'-siri' nakasia'.

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

YESAYA 47:3

Lanacinikko taua assolara', nihina siagang nipakasiri'. ErokKa' a'balasa' mae ri kau, na tena manna sitau laKupata'lappasa'.”

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

1 YOHANES 3:20

Punna nibilang salaki' ri ati mailalanta, niassengi angkanaya lompoangangi pangngassenNa Allata'ala na pangngassengang niaka ri atinta siagang Naasseng ngasengi sikontu apa-apaya.

AYUB 23:15

Lanri mallakku ri Ia, nakuannekkere'mo; pila' kunawa-nawana ngaseng anjo kammaya, pila' malla'ma'.

KALAPPASSANG 3:6

INakke minne Allata'alana boe-boenu, Allata'alana Abraham, Ishak, siagang Yakub.” Jari natongko'mi rupanna Musa, lanri malla'na anciniki Allata'ala.

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

PAPPICINI' 16:15

“Pilangngeri! BattuA' sangkamma palukkaka! Maupaki tau tuli a'jagaya siagang nakatutuia pakeanna, sa'genna tena nassolara' a'jappa siagang tena nasiri'-siri' a'jappa ri dallekanna tau jaia!”

KALAPPASSANG 32:25

Nasadarimi Musa angkanaya nabalang parekangi Harun anjo bansa Israel rapang jarang lappasaka battu ri barana, sa'genna nikakkalimo ke'nanga ri musu-musunna ke'nanga.

PA'JARIANG 3:7

Silalonna memang le'ba'na nakanre anjo rappo kayua, tassungkemi akkala'na ke'nanga siagang naassemmi kalenna ke'nanga assolara'. Jari nakalimbukimi kalenna ke'nanga siagang leko' kayu naanyanga ke'nanga.

PA'JARIANG 3:11

Akkuta'nammi Allata'ala angkana, “Inai angkana ri kau angkana assolarakko? Apaka nukanrei anjo rappo kayu Kupappisangkanga angkana teako kanrei?”

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 20:19

Nakanamo ke'nanga ri Musa, “Ikaumo a'bicara mae ri kambe, nalanapilangngeri ikambe. Teami na Allata'ala a'bicara mae ri kambe, gassingka mateji ikambe.”

PAOLE 5:25

Mingka angngapa namusti nasaung ija nyawana ikambe? Anjo pepe' sannaka heba'na lanaancuruki ikambe! Tappaki ikambe angkanaya tena tamatena ikambe punna nalangngereki ikambe a'bicara pole Karaeng Allata'ala.

AYUB 31:33

Tau maraenga nacokkoi dosana, mingka inakke tena kule'ba' appakamma anjo ke'nanga.