PA'JARIANG 29:31 - KITTA' MATANGKASA'

³¹ Nacini'na Batara angkana tena ningai dudui Lea sangkamma Rahel, nisaremi pangngellai sa'genna ammana' Lea, mingka Rahel tuli tenana ana'na.

PA'JARIANG 29:31 Referans Kwoze

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

1 SAMUEL 2:21

Nibarakkakimi Hana ri Allata'ala, sa'genna allassukang pole tallu ana' bura'ne siagang rua ana' baine. Na Samuel pila' a'bakka' tommi lompona lalang allayanina ri Allata'ala.

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

1 SAMUEL 1:5

Mingka Hana sipa'ganji bawang nasareangi, nasaba' tena nisarei ana' ri Batara. Mingka manna nakamma, sanna' nangaina Elkana anjo Hana.

PAOLE 21:15

“Ebara' angkana nia' tau rua bainenna. Rua-ruai allassukang ana' bura'ne, mingka ana' lassu' rioloa teai ana' battu ri baine nakamaseanna anjo taua.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

PA'JARIANG 29:30

Assikatinroang tommi Yakub siagang Rahel. Nala'bi nangaiangngang Rahel na Lea. Nampa anjamamo pole tuju taung sallona.

YOHANES 12:25

Inai-nai angkarimangngi katallassanna, iami latappela' katallassanna. Mingka inai-nai angkabirisi katallassanna ri anne linoa, iami angkarimangngi katallassanna, la'jari katallassang satunggu-tunggua sallang.

LUKAS 14:26

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

LUKAS 1:7

Tena ana'na ke'nanga, nasaba' takkulleai ammana' Elisabet. Nampa toa rua-ruamo ke'nanga.

PA'JARIANG 30:22

Nampa Nau'rangimo Allata'ala Rahel. Naturukiammi pappala' doanna siagang nasaremi pangngellai untu' allassukang ana'.

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

MALEAKHI 1:3

naKukabirisi Esau. Daera bulu'na Esau le'ba'mi Kuancuru', siagang buttana Kupassareang mae ri olo'-olo' sekkeka ri parang lompoa.”

MATIUS 6:24

“Takkulleai se'rea tau ampa'jari atai kalenna mae ri ruaya karaeng. Nasaba' nia' lanangai, nania' latanajampangia kananna. Yareka la'bi a'dakkikangngangi mae ri se'reanga na maraengannaya. Ikau kamma tommako anjo. Takkulleako lampa'jari atai kalennu mae ri Allata'ala, punna nupa'jari ata todong kalennu mae ri pa'barang-baranganga.

1 SAMUEL 1:27

Iaminne ana' kupalaka battu ri Batara. Nasareamma' Batara pappalakku,

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”

PA'JARIANG 16:1

Anjo wattua Sarai, bainenna Abram, tenapa nanggappa ana'. Mingka nia' sitau ata bainena battu ri Mesir, iamintu se're tulolo niarenga Hagar.

LAMPA-LAMPANA 7:8

Le'baki akkana kamma Allata'ala, Napa'jari assami anjo janjinNa lalang pangngadakkang sunnaka. Jari ri wattunna lassu' ana'na Abraham, iamintu Ishak, nasunna'mi anjo ana'na ri wattunna sagantuju allomo umuru'na. Nampa ribokoanganna sallang nasunna' tommi ana'na Ishak, iamintu Yakub. Nakamma tomminjo Yakub, nasunna' tongi anjo ana'na sampuloa anrua, a'jaria boe-boena bansa Yahudia.

PA'JARIANG 29:32

Attianammi Lea nampa allassukang sitau ana' bura'ne. Nakanamo Lea, “Nacini'mi Batara kasusaangku, nakamma-kamma anne lanangaima' bura'nengku.” Nampa naaremmo anjo anaka Ruben.

PA'JARIANG 35:23

Ia ana' battua ri Lea iamintu Ruben (ana' bungasa'na Yakub), Simeon, Lewi, Yehuda, Isakhar, siagang Zebulon.

RUT 4:13

Jari naallemi Boas anjo Rut a'jari bainenna. Rut nibarakkakimi ri Batara sa'genna attianang, nampa allassukang sitau ana' bura'ne.

PA'JARIANG 11:30

Na anjo Sarai tubaine tamanangi.