PA'JARIANG 28:21 - KITTA' MATANGKASA'

²¹ sa'gengku akkulle ammotere' mange ri balla'na manggeku siagang salama', Batarami la'jari Allata'alaku.

PA'JARIANG 28:21 Referans Kwoze

HAKING-HAKING 11:31

siagang nakusalama' ammotere', jari inai-nai mamo uru assulu' battu ri ballakku untu' anruppaia', iami lakupassareang anjari koro'bang tunuang mae ri Batara.”

PAOLE 26:17

Anne alloa nuakui Batara salaku Allata'alanu. A'janjiko untu' mannuruki mae ri Ia, siagang anggaukangi sikontu hukkunNa kammayatompa parentaNa.

2 SAMUEL 19:24

Kammayatompa Mefiboset cucunna Saul, battu tongi untu' anruppai karaenga. Tena nanabissai bangkenna, tena nanacukkuruki janggo'na, siagang tena nanasassai pakeanna baku'na nabokoi Karaeng Daud Yerusalem sa'genna ammotere' siagang salama'.

2 SAMUEL 15:8

Nasaba' ri wattungku nia' ija ammantang ri Gesur pa'rasangang Siria, le'baka' a'janji la'lampa assambayang mae ri Batara ri Hebron punna Nasarea' pangngellai ammotere' mange ri Yerusalem.”

KALAPPASSANG 15:2

Batara angngalleia', Ia makkassa'; Iami ampasalamakka'. Ia Allata'alaku, erokka' mammuji mae ri Ia, Allata'alana boe-boeku, kupakkelongangi kala'biranNa.

2 KARAENG-KARAENG 5:17

Nampa nakanamo Naaman, “Punna kamma tenana kiero' antarimai passareku, kipa'biamma' angngerang butta siapa-siapa jaina akkulle naerang siayoka bagal. Nasaba' appakkaramula anne wattua tuli lassarea' koro'bang untu' Batara bawang, teai untu' rewata maraengannaya.

2 SAMUEL 19:30

Nampa appialimo Mefiboset angkana, “Boli'mi kamma nanaalle kabusu' Ziba. Sukku'mi rannuna pakkasia'na atanta lanri kisurona atanta ammotere' siagang salama' karaeng.”

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.