PA'JARIANG 28:15 - KITTA' MATANGKASA'

¹⁵ U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 28:15 Referans Kwoze

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PAOLE 31:6

Paralluko majarre' pa'mai' siagang barani! Teako mallakki mae ri ke'nanga! Karaeng Allata'alanu KalenNa lantulungko. Tena nalaNapassalasako siagang tena nalaNabokoiko.”

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 31:3

Nakanamo Batara mae ri Yakub, “Ammotere' mako mange ri pa'rasanganna manggenu siagang sikamma bija pammanakannu. INakke lanjagaiko.”

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

MATIUS 18:20

Nasaba' kemae nia' rua yareka tallu tau a'rappungang nasaba' iNakke, laniakKa' hadere' ri tangnga-tangngana ke'nanga.”

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

1 KARAENG-KARAENG 8:57

Poro Narurungangki' Karaeng Allata'alata, sangkamma NarurunganNa boe-boeta. Poro tena lalo naNabokoiki'.

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

PA'JARIANG 48:21

Nampa nakanamo Yakub mae ri Yusuf, “Sangkamma nucinika, a'birimmi a'jalakku. Mingka laNatulung ngasengko Allata'ala siagang laNaerang ngasengko ammotere' mange ri pa'rasanganna boe-boenu.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

HAKING-HAKING 6:16

Nakanamo Batara, “Tantu akkullenu, nasaba' iNakke lambantuko. Akkullei nuancuru' tu Midian siagang gampang, sanrapang angkanaya sitauji nudallekang.”

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

PA'JARIANG 39:2

Nitulummi Yusuf ri Batara, sa'genna tuli a'jari baji' sikontu apa najamaya. Ammantammi ri balla'na karaenna, anjo tu Mesirka.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

PA'JARIANG 48:16

Iami malaeka' allappassanga' battu sikontu bahayaya. Poro Iaminjo Allata'ala ambarakkaki anne ana'-anaka. Poro attallasaki satunggu-tungguna arengku, arenna Abraham siagang arenna Ishak lanri anne ana'-anaka! Poro ammana'-accucui ke'nanga, namajai turunganna ke'nanga ri lino.”

PA'JARIANG 32:9

Nampa appala' doammo Yakub nakana, “O, Allata'ala, Ia napakalompoa toaku Abraham, siagang manggeku Ishak, poro Kipilangngeri laloa'! IKattemi Batara assuroa' ammotere' mange ri pa'rasangangku siagang bija pammanakangku. Nampa Kijanjima' angkanaya iKatte langngatoroki sikontu-kontuna a'jari baji', untu' inakke.

PA'JARIANG 46:4

LaKururungangko mange ri Mesir, siagang laKuerangi ammotere' mae anrinni ri pa'rasanganga turungannu. Laniaki Yusuf ri sa'rinnu punna lanarapi' a'jala'nu.”

PA'JARIANG 21:20

Nirurungammi Ismael ri Allata'ala. Pila' a'bakka'mi lompona anjo anaka. Ammantangi ri parang lompona Paran, siagang a'jarimi pasoso' sannaka cara'de'na.

PA'JARIANG 31:5

Nampa nakanamo Yakub ri ke'nanga, “Kuciniki bapa'nu tena nabaji' sangkamma biasa mae ri nakke, mingka Allata'ala nipakala'birika ri manggeku anjagaia'.

PA'JARIANG 31:13

INakkemi Allata'ala le'baka ampappicinikangi KalengKu ri kau ri Betel. Anjoreng le'ba' mako assare se're batu pangngu'rangi, na nutiriki minynya' mabau' zaitun irateanna. Anjoreng tommako assumpa mae ri Nakke. Kamma-kamma anne sadia mako siagang ammotere' mako ri pa'rasangang kalassukannu.’ ”

KALAPPASSANG 13:11

Nakana Musa ri bansa Israel, “LaNarurungangko Batara mange ri pa'rasangang Kanaan le'baka Napa'janjiang ammake sumpa mae ri kau siagang boe-boenu. Punna ikaumi pata anjo pa'rasanganga,

PAMMILANGNGANG 6:24

Dasi-dasi Nanabarakkakiko siagang Naparakaiko Batara.

PAOLE 7:9

U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.

PAOLE 30:3

laNakamaseang mako Karaeng Allata'alanu. LaNaerangko ammotere' battu ri bansa-bansa nupammantangngia nipasisa'la'-sa'la', nampa nipa'jari salewangangko ammotere' ri katallassannu.

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”

PA'JARIANG 30:25

Le'ba'na nalassukang Rahel anjo Yusuf, nakanamo Yakub ri Laban, “Kellaima' a'lampa ammotere' mange ri pa'rasangangku.

KAIMANGNGANG 26:42

laKuu'rangimi parjanjiangKu siagang Yakub, Ishak siagang Abraham. LaKuberui janjingKu untu' ampassareangi anjo buttaya mae ri bansaKu.

KAIMANGNGANG 26:45

LaKuberui parjanjiang Kupareka siagang boe-boena ke'nanga, ri wattunna Kupappicinikang kakoasangKu mae ri sikontu bansaya, iamintu Kueranna ummakKu assulu' battu ri butta Mesir, sollanna iNakke, Batara, a'jari Allata'alana ke'nanga.”

PAMMUJI 91:11

Nasuroi Allata'ala malaeka'Na anjagaiko, untu' alla'langngiko manna kemae lampanu.

YEREMIA 16:15

Passangalinna lanri iNakke, Allata'ala mattallasaka, angngerangai umma' Israel assulu' battu ri se'reang pa'rasangang ri bageang wara' siagang battu ri sikontu pa'rasangang maraeng le'baka napammantangngi ke'nanga Kupasiara'. LaKuerangi ammotere' ke'nanga mange ri butta passolongang cera'na ke'nanga, pa'rasangang le'baka Kupassareang mae ri boe-boena ke'nanga.”