PA'JARIANG 27:46 - KITTA' MATANGKASA'

⁴⁶ Nakanamo Ribka ri Ishak, “Lanrema' siagang birisi'ma' anciniki anjo sikamma bainenna Esau battua ri bansa maraeng. Punna a'bunting todong Yakub siagang tulolo battua ri bansa Het, bajikangngang mate mama'.”

PA'JARIANG 27:46 Referans Kwoze

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

PA'JARIANG 28:8

Jari napahammi Esau, angkanaya anjo Ishak manggena, tanangaiyai tubaine Kanaan;

AYUB 14:13

Cokkoma' lalang ri linona tau matea; jagaia' sa'genTa tenamo Kilarro. Mingka Kipattantu wattunna untu' Kiu'rangia'.

AYUB 7:16

Mangngamma' siagang lanrema' attallasa'; erokka' mate! Lappassamma' mange, saba' tenamo anggarangku attallasa'.

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

YUNUS 4:9

Mingka Nakana Allata'ala ri ia, “Tena nusiratang si'na kamma anjo passabakkang anjo lamung-lamunga!” Appialimi Yunus angkana, “Angngapa natena? Siratanga' larro sikali sa'gengku mate.”

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”