PA'JARIANG 27:41 - KITTA' MATANGKASA'

⁴¹ Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

PA'JARIANG 27:41 Referans Kwoze

PA'JARIANG 37:4

Nacini'na sikamma daenna Yusuf angkanaya la'bi ningaiangngangi Yusuf ri manggena na kalenna ke'nanga, birisi'mi ke'nanga mae ri Yusuf. Sa'genna taerokami ke'nanga a'bicara baji' mae ri ia.

KATO'BA 7:9

Teako linta' dudu larro; tau toloaji bawang ammoli' larro.

PANGNGEBARANG 6:14

Pikkirang botto'na rassi siagang rancana ja'dala' siagang appaumba pa'beserang ri kere-keremae.

PA'JARIANG 37:8

Nipauammi ri sikamma daenna angkana, “Nukapangi angkana la'jari karaengko siagang lakoasako mae ri kambe?” Jari pila' birisi'mi sikamma daenna lanri so'na-so'nana siagang lanri apa anjo nacaritaya.

PA'JARIANG 32:6

Ri wattunna ammotere' sikamma anjo tunasuroa Yakub, nakanamo ke'nanga, “Battumi ikambe ri Esau, daenta, nakamma-kamma anne niaki lalang pa'jappang, ero' battu mae ambuntuliki'. Battui mae sirurungang patambilangngang tau.”

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

YEHEZKIEL 35:5

Battu riolo iji nanumusu Israel siagang nulappassang ke'nanga nibuno ri wattunna nituju ri bala salaku hukkungang kala'busang mae ri dosana ke'nanga.

PANGNGEBARANG 1:16

Tena nalammakkang ke'nanga punna tenapa na'gau' ja'dala'. Eroki akkaro-karo ke'nanga ammuno.

PAMMUJI 142:3

Akkunrarenga' ri dallekanNa; kupaui sikontu kasusaangku mae ri Ia.

PAMMUJI 37:16

Apa sike'de' napatanga tu bajika lompoangangi anggaranna nakala'bianna tu ja'dalaka.

PAMMUJI 35:14

sanrapang tau ampappala' doangangi sari'battanna yareka ampappala' doangangi bela baji'na. Andundua', angkarruki ke'nanga, sanrapang tukamateanga' ri amma' kalengku.

2 PATTOTTORANG 35:24

Niangka'mi ri ke'nanga battu ri karetana nampa nipalette' ri kareta maraeng niaka anjoreng, nampa nierang mange ri Yerusalem. Anjoremmi mate nampa nitarawang ri pa'jerakkanna sikamma karaenga. Susa kabusu'mi tu Yehuda siagang Yerusalem lanri anjo kamateanna.

PAOLE 34:8

Appare'mi upacara kasusaang bansa Israel tallumpulo allo ri lappara'na Moab lanri kamateanna Musa.

PA'JARIANG 32:11

Kupala' dudui ri Katte, pasalamaka' battu ri daengku Esau. Mallaka' gassingka battui mae untu' ambundukia' siagang angngancurukka' sipa'gangngang, kammayatompa bai'-bainea siagang ana'-anaka.

PA'JARIANG 27:42

Nalangngere'na Ribka anjo rancanana Esau, nakio'mi Yakub nampa nakana ri ia, “Pilangngeri anne. Eroki daennu Esau ampa'balassiko siagang erokko nabuno.

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

PA'JARIANG 50:2

Nampa naparentakang Yusuf ri pangurusu' mayaka untu' ansarei rampa-rampa anjo maya'na Yakub sollanna attahang.

PA'JARIANG 37:18

Battu bella nicini'mi Yusuf ri ke'nanga. Na ri tenanapa nabattu Yusuf mae ri ke'nanga, situru' ngasemmi ke'nanga ero' ambunoi Yusuf.

PA'JARIANG 50:15

Ri matenamo manggena ke'nanga, nakanamo sikamma sari'battanna Yusuf, “Antekamma ebara' angkana napammoli'-molikangki' Yusuf nampa nabalasa' anjo kaja'dallanta pirangalloang?”

PANGNGEBARANG 18:19

Sari'battang pa'risika pa'mai'na la'bi sukkaraki nireppesi kala kota kassaka; pa'beseranga sanrapangi panjoli pakke'bu' lompona kota pattahangnganga.