PA'JARIANG 26:4 - KITTA' MATANGKASA'

⁴ LaKusareko ana'-cucu sanrapang bintoenga ri langi' jaina, siagang sikontu anne daeraya laKupassareangi mae ri ke'nanga. Sikontu bansaya ri lino lappala' ngasengi ri kau sollanna Kubarakkaki ke'nanga sangkamma le'ba'na Kubarakkaki turungannu.

PA'JARIANG 26:4 Referans Kwoze

LAMPA-LAMPANA 3:25

Sikontu anjo apa-apa Napa'janjianga Allata'ala lalang ri na'bi-na'biNa, untu' ikau ngaseng. Lalang ri anjo parjanjiang Napareka Allata'ala mae ri boe-boenu, kammai anne kananNa Allata'ala mae ri Abraham, ‘Battu lalangi ri sossorannu nalaKubarakkaki sikontu bansaya ri anne linoa.’ Jari anjo parjanjianga untu' ikau ngaseng todong.

GALATIA 3:8

Le'ba' memammi nipau lalang ri Kittaka angkanaya akkullei assibajiki ammotere' bansa maraenga siagang Allata'ala punna tappa' ke'nanga mae ri Ia. Le'ba'mi nipauang la'bi riolo Abraham anjo Kabara' Bajika ilalang ri janji angkanaya, “Battu ri kaumi nalaNabarakkaki Allata'ala sikontu rupataua ri lino.”

PA'JARIANG 15:5

Nierammi Abram ri Batara assulukang, nampa Nakana Batara ri ia, “Ciniki langika, siagang coba sai nubilang sikamma bintoenga; lasangkammai anjo bintoenga jaina turungannu.”

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

GALATIA 3:16

Anjo janji-janjinNa Allata'ala, KalenNa ampareki untu' Abraham siagang untu' sossoranna Abraham. Tena nanakana lalang ri Kittaka, “siagang untu' sikamma tau sossoranna Abraham,” battuanna jai tau. Ia niaka tattulisi' iamintu, “siagang untu' sossorannu,” battuanna sitauji bawang, iamintu Almasi.

PAMMUJI 72:17

Poro tuli niu'ranginna arenna karaenga satunggu-tungguna, napila' masahoro' lalang nia'na mataalloa. Poro napalaki bansa-bansaya nanibarakkaki sangkamma ia, na sikontu tau antappuai arenna lamate'nei.

IBRANI 11:2

Nasaba' lanri tappa'na, naningaimo ri Allata'ala tau ri jammang rioloa.

PA'JARIANG 18:18

Sai turunganna la'jari bansa lompoi siagang lakoasai? Sai lanri ia nalaKubarakkaki sikontu bansaya ri lino?

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 28:14

Turungannu lasangkammai limbu'buka ri lino jaina. Lanapakaluaraki daerana ke'nanga mange ri kere-kere mae. Siagang tete ri kau siagang turungannu nalaKubarakkaki sikontu bansaya ri lino.

PA'JARIANG 35:12

Pa'rasangang le'baka Kupassareang mae ri Abraham siagang Ishak, laKupassareangi mae ri turungannu.”

PA'JARIANG 47:27

Kammaminjo lampa-lampana nammantammo tu Israel ri Mesir, ri Daera Gosyen. A'jari kalumanynyammi ke'nanga, siagang ammana'-mana' anjoreng.

KALAPPASSANG 6:4

Kulangngere'mi kunrarenna tu Israel, nipare' ataya ri bansa Mesir, nampa Kuu'rangimo anjo janjingKu.

PAOLE 13:17

Anjo sikamma barang-barang nitunraia takkulleai nuboli' untu' kaparalluang kalennu, mingka musti niancuru' taba sikali. Jari lanaummi larroNa Batara siagang laNapappicinikammi pangngamaseanNa mae ri kau. Lamalammoro' pa'maiki mae ri kau siagang laNapa'jariko bansa malompo, sangkamma Napa'janjianga mae ri boe-boenu,

1 PATTOTTORANG 27:23

Tena nasuro bilangi Karaeng Daud tau rawangang ruampulo taunga umuru'na, nasaba' le'ba'mi a'janji Batara laNapa'jari jai bilanna tu Israel sangkamma bintoenga jaina ri langi'.