PA'JARIANG 26:29 - KITTA' MATANGKASA'

²⁹ angkanaya tena nula'gau' ja'dala' mae ri kambe, sangkamma todong ikambe tena kila'gau' ja'dala' mae ri kau. Le'ba'mi a'gau' baji' ikambe ri kau na nilappassangko a'lampa taniapa-apa. Baji'mi naassenna ikambe angkanaya Nabarakkakiko Batara.”

PA'JARIANG 26:29 Referans Kwoze

PA'JARIANG 24:31

Nampa nakanamo Laban, “Ikatte tunibarakkakiki' ri Batara, bapa'! Teaki' ammantangngi pantarang anrinni. Umba kimange ri balla'na ikambe. Nia'mo kamara' napasadia ikambe untu' ikatte, siagang nia' tommo tampa'na sikamma untata.”

PA'JARIANG 21:22

Anjo wattua nia'mi battu Karaeng Abimelekh siagang Pikhol, panglima tantarana, nampa nakana ri Abraham, “Le'ba' mako Natulung Allata'ala ilalang sikontu apa nugaukanga.

PAMMUJI 115:15

Poro nibarakkakiko ri Batara, ampa'jariai langika siagang buttaya!

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”