PA'JARIANG 25:6 - KITTA' MATANGKASA'

⁶ mingka ri wattu attallasa'na jai tonji hadia barang-barang napassareang mae ri ana'-ana' battua ri baine maraenna. Nampa nasuro anjo sikamma ana'na a'lette' mange ri daera niaka ri bageang rayanganna Kanaan, sollanna napakabella kalenna battu ri Ishak ana'na.

PA'JARIANG 25:6 Referans Kwoze

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

HAKING-HAKING 6:3

La'biangampa anjo pole sitabang a'lamung-lamung tu Israel pamarria battumi tu Midian siagang tu Amalek, kammayatompa tu maraengannaya battu ri parang kassika ambunduki tu Israel.

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

HAKING-HAKING 19:4

na napala' dudumo sollanna tenamo nammotere' rolong. Lanri kammana, ammantammi tallu allo tallu bangngi sipa'bangngiang anjo baine piarana.

PA'JARIANG 35:22

Lalang nia'na ke'nanga ri anjo tampaka, assikatinroammi Bilha siagang Ruben, anjo baine piarana manggena. Anne passalaka nalangngereki Yakub, siagang sanna'mi larrona napakamma. Nia' sampulo anrua ana' bura'nena Yakub.

PA'JARIANG 32:22

Ia todong anjo bangngia ambangummi Yakub nampa naerang anjo ruaya bainenna, ruaya baine piarana siagang sampulo asse're ana'na, a'limbang ri Binanga Yabok.

PA'JARIANG 25:1

A'nikkami pole Abraham siagang sitau baine niarenga Ketura.

PA'JARIANG 16:3

Kammaminjo nanapassareammo Sarai anjo Hagar mae ri Abram untu' a'jari baine piarana. Anjo wattua sampulo taummi sallona Abram ammantang ri Kanaan.

PA'JARIANG 30:9

Naassennamo kalenna Lea angkanaya takkulleami anggappa pole ana', napassareammi surona iamintu Zilpa, mae ri Yakub untu' a'jari bainenna.

PA'JARIANG 30:4

Nampa napassareammo Bilha mae ri bura'nenna, nampa assikatinroammo Yakub siagang anjo suroa.

2 PATTOTTORANG 11:21

Nia' 18 bainenna Rehabeam siagang 60 baine piarana, 28 ana' bura'ne siagang 60 ana' baine. Battu ri anjo sikontu bainenna siagang baine piarana, ia kaminang nangaia iamintu Maakha.

PA'JARIANG 29:1

Napatulusu'mi jappana Yakub, a'lampa mange ri pa'rasangang bageang rayanganna Kanaan.